Nsumuinu 28:10 - MUKANDA WA MYIDI MUKULU

¹⁰ Muntu udi usaka bantu bakane bua balonde njila mibi, neapone mu mateyi ende. Kadi benji ba bimpe nebikale ne diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Udi uhambuisha bantu bakane bua bobo bende mu nshila mubi neahone mu dijimba didiye umbula; kadi badi ne mitshima mitoke nebahiane diakalengele.

Nsumuinu 28:10 ပူးပေါင်းရင်းမြစ်များ

Misambu 139:24

Manya ne tshiena mukukuile bamvidie ba dishima, undombole mu njila webe matuku onsu.

Misambu 37:11

Kadi bakengi nebapete ditunga. Nebasombemu ne disanka divule.

Misambu 57:6

Mvidi Mukulu, leja bumfumu buebe budi bupite diulu, ne butumbi buebe budi bukenka pa buloba bujima.

Misambu 9:15

Nenku nemmanyishe bantu badi basangile mu Siyone, mundi nkutumbisha bua bionsu biuvua mungenzele. Nengele mbila ya disanka bualu uvua mumpandishe.

Nsumuinu 10:3

Maweja-Nangila kena musue bua muntu udi umulamata afue nzala, kadi kena musue bua muntu mubi apete tshidiye ujinga.

Nsumuinu 15:6

Udi witaba Mvidi Mukulu udi usomba mu bubanji. Kadi mpetu mipeta ku malu mabi idi ilela dikenga.

Nsumuinu 2:21

Bualu bantu bakane ne ba diyi dimue, nebase mu ditunga edi, nebashalemu kashidi.

Nsumuinu 21:20

Mu diyeba dia muena meji mudi biakudia bivule ne bintu bikuabu bia mushinga mukole. Kadi muntu mutatakane udi ujimija bionsu bidiye nabi.

Nsumuinu 26:27

Udi umbuila mukuende dijimba neakulukemu. Dibue diudi ubunguluja nedikubungulukile pambidi.

Nsumuinu 28:18

Muntu udi ulonda njila mululame neasombe talalaa. Kadi muena mpala ibidi, udi dikasa mu mayi dikuabu ku mukuna, neadishinde panshi.

Muambi 10:8

Muntu udi mumbule dijimba udi mua kuponamu, udi ubumbula tshimana badi mua kumusuma kudi nyoka.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Ngalate 2:4

Bushuwa bena ditaba bakuabu, bena mpala ibidi, bavua babuelakane netu, bavua basue kumutekesha panshi. Bantu aba mbabuele mu Tshisumbu tshietu bua kututentekela, kumona mutudi tudienzela bitudi basue, bualu tudi tuitaba Yezu Kristu. Nanku bavua basue kutupingaja mu bupika.

Ebrewu 6:12

Katuena basue bua nuikale bena lulengu, kadi nulonde tshilejilu tshia badi bitaba, bananukila ne lutulu, bapeta tshivua Mvidi Mukulu mulaye.

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.

Didimanyisha 2:14

Kadi bualu bundi nkudiwila, mpadi bamue ba kunudi bitabe dilongesha dia Balaame. Balaame uvua ulongesha Balake, bua asake bena Izrayele ku dienza bibi. Ke muyuabu badie minyinyi ya nyama milambula nwidie, benza kabidi malu a bundu.

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”