Nsumuinu 28:1 - MUKANDA WA MYIDI MUKULU

¹ Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bantu babi badi banyema kakuyi muntu udi ubihata, kadi bantu bakane badi ne dikima bu dia nyama wa ntambue.

Nsumuinu 28:1 ပူးပေါင်းရင်းမြစ်များ

1 Bakalenga 1:49

Bantu bavua Adoniya mubikile ku-mvua bowa bua meyi onsu awu. Kujukabu kutangalaka, muntu yonsu kuya luende luseke.

2 Bakalenga 7:15

Bena mvita ba bena Izrayele, kulondakaja bena mvita ba bena Siriya too ne ku musulu wa Yardene. Mu njila muonsu amu, bena mvita ba bena Izrayele kusangana bilamba bia bungi ne bintu bikuabu bivua bena Siriya benda bimansha, bua kumona mua kunyema lukasa. Nanku bantu bavuabu batume, kupingana bua kumanyisha mukalenga wa bena Izrayele bionsu abi.

Nehemya 6:11

Meme kuandamuna ne: — Meme tshiena mua kunyema to! Kabidi muntu bu mundi emu, ndi mua kubuela muaba wa tshijila kushala ne muoyi anyi? Nansha kakese. Tshiena mua kubuelamu to.

Yobe 15:21

Badi bateleja anu meyi adi abakuatshisha bowa. Badi batshina muluishi, nansha diba didi bionsu mu ditalala.

Misambu 112:7

Kena utshina ngumu mibi; udi ne muoyi mukole, udi weyemena Maweja-Nangila.

Misambu 53:5

Mvidi Mukulu udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 53:6

Kadi bantu abu bavua kabayi batshina tshintu kumpala, nebakuatshike bowa mpindiewu, bualu Mvidi Mukulu neamuangalaje mifuba ya badi bakengesha bantu bende. Badi babalembakaja, bualu Mvidi Mukulu mmubabenge.

Ekesode 11:8

Balombodi ba mu bukalenga buebe bonsu nebantuile binu, balengelela ne: “Umbukayi mene ne bantu bonsu baudi nabu!” Diba adi nenshishe kuya. Moshe kumuka ne tshiji tshikole kudi mukalenga wa bena Ejipitu.

Nsumuinu 10:9

Kusomba biakane nkusomba talalaa. Muntu mubi neatunduke.

Nsumuinu 27:27

Kama mabele a mbuji yebe bua wewe kunua, ne nzubu webe, kabidi ne bena mudimu bebe bakaji.

Yeshaya 30:17

Padi muluishi umue ukana bena mvita benu tshinunu, nebanyeme. Kadi padi batanu bakana, nenunyeme lubilu buonsu buenu. Tshiluilu tshienu tshionsu netshijimine. Netshishiye amu mutshi wa dibendele, muasa ku lusongu lua mukuna.

Yeshaya 7:2

Bantu kumanyisha Akaze, mukalenga waku ndelanganyi ya Davide, ne bena lubanza luende ne: bena Arame mbase mitanda yabu mu buloba bua bena Efrayime. Bualu abu kutonda Akaze ne bantu bende. Kutuadijabu kunyungakana, bu mitshi ya muitu idi lupepele lunyungisha.

Yirmeya 20:4

Bualu Maweja-Nangila udi wamba ne: “Wewe ne balunda bebe bonsu nenuikale tshintu tshidi tshikuatshisha bantu bowa. Balunda bebe nebafue ku muele wa mvita wa baluishi babu, wewe muikalepu. Bena Yuda, nembafile bonsu kudi mukalenga wa Babilone. Yeye neabakuate. Neaye nabu mu bupika mu ditunga diende, nansha neabashipe.

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Bienzedi 14:3

Kadi Polu ne Barnabase bavua amu mua kushala matuku makumbane mu Ikoniyume. Bavua batekemena kudi Mfumu, balongesha bantu ne: Mfumu ke udi utupa bumfumu bua kuenza bishima ne malu a dikema. Ke mudiye unuleja ne: bitudi tunulongesha pa dinanga didi Mvidi Mukulu utunanga nadi mbilelela.

Bienzedi 4:13

Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.

Dielulula 28:7

Maweja-Nangila neanuambuluishe bua nutshimune baluishi benu. Pikalabu bavuile njila umue, nebanyeme bapingena mu njila muanda mutekete mishilangane.

1 Tesalonike 2:2

Nudi bamanye kabidi ne: katuyi banji kufika kuenu, bavua batupende, batukengeshe mene mu Filipe. Kadi Mvidi Mukulu uvua mutupe bukitu bua kunumanyisha Lumu lua Disanka lua kudiye, nansha muvua bantu bavule batuluisha.