Nsumuinu 27:8 - MUKANDA WA MYIDI MUKULU

⁸ Muntu udi wendakanangana kule ne muabu, udi bu nyunyi udi wendela kule ne disua diende.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bu mudi nyunyu udi uhambuka, umuka ku disua diandi, mbu mudi muntu udi uhambuka umuka ku muaba wandi.

Nsumuinu 27:8 ပူးပေါင်းရင်းမြစ်များ

Genese 21:14

Abrahame, kujuka dinda dionsu, kupesha Agare diampa ne kabulubulu tente ne mayi. Kumusuikaye muana panyima, umuambe ne: Ndaku. Agare uvua wenda ulalakana mu tshipela tshia Bersheba.

Genese 4:16

Kayine kumuka muaba uvua Maweja-Nangila, kuya kusomba mu ditunga dia Node luseke ludi diba dipatukila lua Edene.

1 Bakalenga 11:22

Mukalenga wa bena Ejipitu kumukonka ne: — Tshiudi ujinga tshindi tshiyi mua kukupa ntshinyi? Udi musue kupingana mu ditunga diebe bua tshinyi? Awu kuandamuna ne: — Tshiena nkengela tshintu to. Kadi, anji kuitaba bua meme kuya!

1 Bakalenga 19:9

Eliya mumane kufika ku mukuna wa Sinayi, kubuelaye mu lubuebue, kulalamu. Ke Maweja-Nangila kumukonka ne: — Eliya, muaba ewu udi wenza tshinyi?

Nsumuinu 21:16

Muntu udi umbuka mu njila wa bena meji, neaye kusomba lukasa kaba kamue ne bantu bafue.

Nsumuinu 26:2

Bu mudi mushamusha ne kandindi bipapelela mulu kabiyi bikisha, ke mudi mulawu muela muntu kapayi bualu kauyi umukuata.

Nsumuinu 27:7

Muntu muukute udi ubenga nansha buitshi. Muena nzala udi udia bionsu, ne bidi ne bululu mene.

Yeshaya 16:2

Bakaji ba bena Mowabe, badi bimane ku bisabu bia musulu wa Amone, amu bu mudi tunyunyi tupapalala, padibu batuipata mu disua diatu.

Yona 1:3

Kadi Yona kujuka bua kuya ku Tarshishe, unyema Maweja-Nangila. Ufika ku Yafa, kusanganaye buatu buvua pamue ne kuya ku Tarshishe. Nanku, kufutaye, kubuela mu buatu bua kuya ku ditunga adi, unyema Maweja-Nangila.

1 Korente 7:20

Muntu yonsu ashale muende mutataye diba divua Mvidi Mukulu mumubikile.

Yuda 1:13

Badi baleja malu abu mabi, bu mudi mavuala a mayi manene atutuka ntutu. Badi bu mitotu ya milanjilanji idi ituka mulu: Mvidi Mukulu mmubalongoluele muaba mu miidima mikole, bua bashalemu kashidi.

1 Samuele 22:5

Dituku dikuabu, muambi Ngade kuambila Davide ne: — Kushadi kabidi ku lubuebue elu luudi munyemena to. Pingana mu ditunga dia bena Yuda. Nanku, Davide kumuka kuya mu ditu dia Erete.