Nsumuinu 27:20 - MUKANDA WA MYIDI MUKULU

²⁰ Mudi dijimba dia bafue dimina bantu, ke mudi muntu ujinga amu kujinga kabiyi bijika.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Muaba wa Bafue ne wa Kubutuka kabiena biule kashidi; mesu a muntu kaena ûkuta kashidi.

Nsumuinu 27:20 ပူးပေါင်းရင်းမြစ်များ

Yobe 26:6

Bualu kandondu ka bafue kadi amu patoke kumpala kua Mvidi Mukulu. Tshilamba katshiena mua kubuikila dijimba ku mesu ende to.

Nsumuinu 15:11

Maweja-Nangila mmumanye bionsu, nansha bidi mu kandondu ka buloba. Nanku mudi muntu mua kusokoka Mvidi Mukulu malu adi munda muende mmunyi?

Nsumuinu 23:5

Bualu biuma bidi bijimina kuyi muanji kubimona bimpe. Bidi bibuka mudi nyunyi wa tshiminyi ubuka mulu, uya kule.

Nsumuinu 27:19

Mudi mpala wa muntu umuenekela mu mayi, ke mudi muoyi wa muntu umueneka kudi bantu bakuabu.

Muambi 1:8

Mesu kaena apungila mua kumona, matshi kaena apungila mua kumvua. Muntu kena mua kumvuija mudi bia panu bionsu bitonda.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Muambi 6:7

Muntu udi wenza mudimu nangananga bua amone mua kudia kuukuta. Kadi nzala udi amu uyipeta.

Yeshaya 5:14

Bakadi bunzulule muaba wa bafue, mbaudiundishe bikole. Bamfumu ne bena Yerushalayime nebabuelemu bonsu, batshikale munkatshi mua tshibilu, basanka.

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Abakuke 2:5

Bushuwa, bubanji budi bufikisha bantu ku diakabi. Badi baditambisha kabena ne dikisha. Badi mukana buashi, bu dijimba dia bafue kadiyi diwula. Badi bu mudi lufu, ludi lubutula amu kubutula bantu. Ke mudi bena Babilone bakuata amu kukuata matunga, bua bantu bashale bapika babu kashidi.

Agayi 1:9

Nuvua batekemene biakudia bia bungi, nuenu kunowa bikese. Binuvua baye nabi mu nzubu yenu, meme kubiela mupuya, kutangalakabu Meme Maweja-Nangila wa bukole buonsu, ndi nnukonka ne: Ndi muenze nanku bua tshinyi? Ndi nnuamba ne: Ndi muenze nanku, bualu nudi balekele nzubu wanyi ashale munyanguke, nukuate mudimu bikole amu bua kulengeja yenu nuenu.

1 Yone 2:16

Bualu malu a panu ke majinga mabi a buntu buetu, lukuka lua bitudi tumona, kuditemba bua bitudi nabi. Malu onsu aa kaena afuma kudi Tatu, kadi kudi bukua panu.