Nsumuinu 27:18 - MUKANDA WA MYIDI MUKULU

¹⁸ Muntu udi ulama mutshi wa mfiku bimpe, neadie bimuma biawu. Muena mudimu udi ukuba mfumuende nebamutumbishe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Muntu udi ulama mutshi wa nfigi neadie mamuma au, ne udi ukuba nfumu wandi neatumbishibue.

Nsumuinu 27:18 ပူးပေါင်းရင်းမြစ်များ

2 Bakalenga 18:31

Kanuena mua kuteleja tshidi Izkiya unuambila to. Nuteleje anu tshindi nnuambila meme mukalenga wa bena Ashure. Lekelayi kukandamana! Anyishayi nudifile kundi. Nanku, muntu yonsu wa kunudi neanue maluvu ende, neadie tumuma tuende tua mfiku, kabidi neanue mayi ende adi mu tshiina.

2 Bakalenga 3:11

Kadi, Yosafate kukonka ne: — Muaba ewu, kakuena muambi udi mua kutuebejila malu kudi Maweja-Nangila anyi? Mulombodi wa bena mvita ba mukalenga wa bena Izrayele kuandamuna ne: — Tudi ne Elisha, muana wa Shafate. Yeye uvua wambuluisha muambi Eliya bikole.

2 Bakalenga 5:25

Ngeyazi kupingana muaba uvua mfumuende Elisha. Elisha kumukonka ne: — Ngeyazi, udi ufuma penyi? Ngeyazi kuandamuna ne: — Mfumuanyi, tshivua muye ku muaba to.

2 Bakalenga 5:27

Bualu, disama dia nsudi divua nadi Namane nedikuambulukile, wewe ne ndelanganyi yebe kashidi! Ngeyazi umuka muaba uvua muambi Elisha, mubidi wende uvua mutoke too bu busu bua ndanda ne disama dia nsudi.

Estere 6:11

Amane kuya kuangata bivualu ne kabalu. Kujadikaye Mordekayi bilamba, kumubandisha pa kabalu, kuya nende mu bisalu ne mu masangu a njila, wenda wela mbila ne: “Monayi mudi mukalenga unemeka muntu udiye musue kuela ka lumbandi!”

Misambu 123:2

Bu mudi mesu a bapika, matangile tshianza tshia mfumuabu, bu mudi mesu a muena mudimu mukaji matangile tshianza tshia mamuende wa nzubu, ke mudi mesu etu matangile kudi Maweja-Nangila Mvidi Mukulu wetu, too ne muatuambuluishaye.

Ekesode 24:13

Moshe kujuka ne Yoshuwa uvua umuambuluisha, kuambilaye bakulu ne:

Nsumuinu 17:2

Muena mudimu wa meji udi mupite muana mupote ku mushinga. Neapete tshiende tshia bumpianyi ne bantu ba muntu.

Nsumuinu 22:29

Wewe mumone muntu wenza mudimu wende bimpe: muntu ewu udi mua kukuatshila nansha bamfumu mene mudimu, pa mutu pa kunkuatshila bantu ba lukutukutu.

Nsumuinu 27:17

Badi basaka tshiamu ne tshikuabu, ke mudi muntu ulengeja pende muntu nende.

Nsumuinu 27:19

Mudi mpala wa muntu umuenekela mu mayi, ke mudi muoyi wa muntu umueneka kudi bantu bakuabu.

Musambu wa Solomo 8:12

Wewe Shelomu, wangate nkanu tshinunu ya tshiamu tshitoke tshia mushinga mukole. Babidime bapete kabidi nkanu nkama ibidi. Kadi budimi buanyi meme ndi ndima amu meme nkayanyi!

Yeshaya 36:16

Kanuena mua kuteleja tshidi Izkiya unuambila to. Nuteleje amu tshindi meme ngamba, meme mukalenga wa bena Ashure. Lekelayi kukandamana. Anyishayi, nudifile kundi. Diba adi, muntu yonsu wa kunudi neanue maluvu ende a mvinyo, neadie tumuma tuende tua mutshi wa mfiku, neanue mayi a mu tshiina tshiende.

Matayi 24:25

Ke meme awu nnumanyisha malu aa, kaayi manji kuenzeka!

Matayi 24:46

Muena mudimu assu udi ne diakalenga, pikala mfumuende upingana ku nzubu kuende, umusangana wenza mudimu assu.

Marke 10:43

Kadi kabienzeki nanku munkatshi muenu nansha. Padi umue wa kunudi nuenu musue kuikala munene, ikale muena mudimu wenu.

Luke 12:37

Bena mudimu aba badi ne diakalenga, padi mfumu ubasangana batabale. Ndi nnujadikila bulelela ne: Mfumu neavuale tshilamba tshia mudimu. Neabasombeshe ku mesa, bua kubabanyina biakudia ku muntu ku muntu.

Luke 12:42

Mfumu kumuandamuna ne: — Muena mudimu muimpe wa meji nnganyi? Se mmuntu udi mfumuende uteka ku mudimu wa kulama nzubu, ne wa kupesha bena mudimu biakudia diba diakane.

Luke 19:17

Mukalenga kumuamba ne: “Uvua muenze bimpe. Udi muena mudimu wa nsongu. Bu muuvua mukumbaje mudimu bimpe ne bintu bikese bindi mukushile, nenkuteke mulombodi wa bimenga dikumi.”

Yowanane 12:26

Pikala muntu musue kungenzela mudimu, udi ne bua kundonda. Nanku muena mudimu wanyi neikale kabidi muaba undi. Tatu wanyi udi utumbisha muntu udi ungenzela mudimu.

Bienzedi 10:7

Mutumibue mumane kumuka, ke Korneliyuse kubikila bena mudimu bende babidi, ne musolayi umue wa ku bavua bamulama, uvua pende muntu wa Mvidi Mukulu.

1 Korente 3:8

Mudimu wa mukunyi, ne mudimu wa mumiaminyi wa mayi, udi wa mushinga wa momumue. Mvidi Mukulu neafute muntu yonsu diende difutu, bilondeshile mushindu udiye ukumbaja mudimu wende.

1 Korente 9:13

Nudi bamanye bimpe ne: badi benza mudimu mu nzubu wa Mvidi Mukulu, badi bapeta biakudia biabu ku bidi bantu bela mu nzubu amu. Badi balambula milambu pa tshilambuilu, badi bapeta tshiabu tshitupa tshia milambu eyi.

1 Korente 9:7

Katshia nukadi bumvue bamba ne: musolayi udi mua kudifuta bua mudimu udiye wenza mu mvita anyi? Muntu udi ne budimi bua mvinyo, kena mua kudia tumuma tua mu budimi abu anyi? Udi ulama mikoku, kena mua kunua mabele ayi anyi?

Kolose 3:22

Nuenu bapika, tumikilayi bionsu bidi bamfumu benu ba panu bamba, ki ngamu bua kubasankisha padibu banumona. Kadi tumikilayi ne muoyi mulelela, bualu nudi nunemeka Mfumu.

2 Timote 2:6

Tshidime udi ukuata mudimu mukole, ke udi udianjila kunowa bia mu budimi.

1 Petro 2:18

Nuenu bapika, tumikilayi bamfumu benu, nubanemeke muenu muonsu. Kanunemeki amu badi ne muoyi muimpe wa kalolo nutumikile ne badi ne malu makole.

1 Petro 2:21

Ke tshidi Mvidi Mukulu munubikidile, bualu Kristu kabidi uvua mukenge bualu buenu, munushile tshilejilu, bua nulonde makasa ende.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.