Nsumuinu 26:4 - MUKANDA WA MYIDI MUKULU

⁴ Kuandamunyi muntu mutshimbakane miaku ya bupote. Tshianana nenufuanangane nende.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kukudimunyi muhote dî bu mudi buhote buandi, bua wewe kufuanangana nʼandi.

Nsumuinu 26:4 ပူးပေါင်းရင်းမြစ်များ

1 Bakalenga 12:14

bilondeshile lungenyi luvuabu bamupesha kudi bansongalume, bena mulongu nende. Robowame kuambila bena Izrayele ne: — Tatu wanyi uvua munuambuishe bujitu ku mutshi wa kuambula nawu bujitu. Kadi meme, nensakidila bujitu bukuabu ku mutshi aku. Tatu wanyi uvua unukengesha, unutuuta mikaba, kadi meme, nennukengeshe, nnutuute mikaba misuika misonsu.

1 Bakalenga 12:16

Bena Izrayele ba ku mutu, bamane kumvua ne: mukalenga Robowame kena muitabe dilomba diabu, kuandamunabu ne: — Davide katuena nende bualu, katuena basue kulonda muana wa Ishayi to! Bena Izrayele, tupinganayi ku nzubu yetu; wewe muntu wa ku ndelanganyi ya Davide, shala ne bukalenga buebe mpindiewu! Ke bena Izrayele kumuka muaba awu.

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Nsumuinu 23:9

Kuambidi mutshimbakane bualu. Kena wangata miaku yebe ne mushinga to.

Nsumuinu 26:5

Kudimuna muntu mutshimbakane bilondeshile mudiye, bua kadiumvu bu muntu wa meji.

Nsumuinu 29:9

Padi muntu wa meji ku tshilumbu ne muntu mutshimbakane, mutshimbakane awu mufike munda nansha museke, muntu wa meji kena upeta dikisha to.

Yeshaya 36:21

Bantu bonsu bavua muaba awu kushalabu amu bapuwa, nansha wa kuandamuna diyi, bualu ke muvua mukalenga Izkiya mumane kubambila.

Matayi 7:6

— Tshintu tshia tshijila, kanutshieledi mbua, bua kayinukudimukidi, ikebe kunusuma. Kanueledi ngulube busanga, bua kayibudiatakaji.

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.

Yuda 1:9

Mikayele, mfumu wa batumibue ba Mvidi Mukulu, kavua muenze nanku to. Pavuaye utandangana ne diabolu, bafuilakana nende tshitalu tshia Moshe, kena mupende diabolu, kena mumupishe. Uvua umuambila amu ne: “Mvidi Mukulu akunyoke!”