Nsumuinu 26:24 - MUKANDA WA MYIDI MUKULU

²⁴ Muena lukinu udi wakula bualu buimpe usokoka muoyi wende mubi. Munda muende udi ukeba amu kudinga bantu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Muntu udi ne lukuna udi ulusokoka ku mei adi mishiku yandi yamba, kadi udi muteke kudinga mu mutshima wandi.

Nsumuinu 26:24 ပူးပေါင်းရင်းမြစ်များ

Genese 34:13

Kadi bu muvua Shekeme mubuelele Diina mu nzubu ku bukole, bana ba Yakobe kuandamuna Shekeme ne tatuende Amore, ne budimu ne:

2 Samuele 13:26

Absalome kuambila kabidi mukalenga Davide ne: — Bu muudi ubenga bua kuya, nanku itaba bua tuye nansha ne muanetu Amnone. Mukalenga Davide kukonkaye ne: — Udi musue kuya ne Amnone bua tshinyi?

2 Samuele 13:27

Absalome kusengelela kabidi mukalenga Davide bikole. Nanku mukalenga Davide kuitaba bua Amnone aye. Kuitabaye kabidi bua bana bende bakuabu baye ne Absalome.

2 Samuele 20:9

Yowabe kuebeja Amasha ne: — Muanetu udi munyi? Kukuataye Amasha ku muedi ne tshianza tshia balume bua kumupukila.

Nehemya 6:2

Nanku, Sanebalate ne Ngesheme kumbikila mu musoku wa Kefirime, mu tshibandabanda tshia Ono. Bavua basue kungenzela bibi.

Misambu 12:3

Bantu bonsu badi amu bashimangana. Badi batua muntu makumbu, munda muabu bikale bamujana.

Misambu 28:3

Kunteki kaba kamue ne bena tshikisu, badi bakengesha bakuabu, babambila miaku ya ditalala, kadi munda muabu muikale lonji.

Misambu 41:6

Baluishi banyi badi bankebela diakabi, bamba ne: “Kantu aka nekafue diba kaayi, bua bakapue muoyi kashidi?”

Nsumuinu 10:18

Muntu udi utekelangana lukinu mu musokoku, udi muena lubombu. Yonsu udi utumpilangana malu ku mesu a bantu, mmuntu mutshimbakane.

Nsumuinu 11:1

Maweja-Nangila udi udiwula bantu badi ne bitempelu bia dishima, kadi udi wanyisha badi bapima bintu mudibi.

Nsumuinu 12:17

Muntu udi wamba malu malelela patoke, udi wambuluisha bantu. Kadi udi ujadika malu a dishima, udi wambuluisha badi badinga bantu.

Nsumuinu 12:20

Bantu badi bela meji a kuenza bibi, badi badidinga nkayabu. Kadi bantu badi babela bantu bua basombe bimpe, nebapete disanka.

Nsumuinu 12:5

Bantu badi bavuluka Mvidi Mukulu, badi belangana meji matuku onsu a kuenzelangana biakane. Kadi bantu babi kabena bela meji makuabu, amu a kudingangana.

Nsumuinu 14:8

Muntu mudimuke udi mumanye tshidiye ne bua kuenza, bualu udi muena meji. Batshimbakane badi bapambuke bua bupale buabu.

Nsumuinu 23:7

Bualu meji adiye wela munda muende kaena afuanangana ne malu adiye wenza. Udi ukuambila ne: “Diaku, nuaku.” Kadi muoyi wende kawena kuudi.

Yirmeya 9:4

Muntu yonsu udi udinga muntu nende. Kakuena muntu udi wamba malu malelela. Bantu bonsu mbamane kuibidila mua kudingangana. Mbenze bibi bitambe. Nanku, kabena ne mushindu wa kupingana kundi meme.”

1 Samuele 18:17

Shawule kudiambila munda ne: “Meme tshiena musue kushipa Davide to. Bena Peleshete nebamushipe.” Nanku, Shawule kuambila Davide ne: — Merabe, muananyi wa bakaji muanabute, nyeye ewu. Pawikala mungenzela mudimu ne dikima, pawikala muluangana mvita mu dina dia Maweja-Nangila, ndi nkupesha muananyi ewu bua ikale mukajebe.