Nsumuinu 26:2 - MUKANDA WA MYIDI MUKULU

² Bu mudi mushamusha ne kandindi bipapelela mulu kabiyi bikisha, ke mudi mulawu muela muntu kapayi bualu kauyi umukuata.

Mukanda wa Nzambi Dihungila Dikulukulu ne Dihungila Dihia-dihia 2003

² Bu mudi mushamusha uhahala eku ne eku, wikila eku ne eku, bu mudi kandindi katua mulelu, mbu mudi mulau udi bantu bela hatuhu kauyi ukuata.

Nsumuinu 26:2 ပူးပေါင်းရင်းမြစ်များ

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

2 Samuele 16:8

Maweja-Nangila ke udi ukunyoka bua bena nzubu wa Shawule bonsu baudi mushipe. Udi muibe bukalenga bua Shawule. Ke padi Maweja-Nangila mukunyengabu, mubupesha muanebe Absalome. Mpindiewu, wewe udi mu dikenga, bualu udi mushipianganyi!

Nehemya 13:2

Bualu kale bobu kabavua bakidila bena Izrayele, kabavua babapesha biakudia, nansha biakunua to. Kadi bavua bapesha Balaame mabuejila bua kutshipaye bena Izrayele. Anu Mvidi Mukulu wetu kuandamuna mitshipu ayi kuvuayi disanka.

Misambu 109:28

Nansha bobu bantshipe, kadi wewe udi ungela lupemba. Bobu banduishe, bundu bubakuate, kadi meme muntu webe, ngikale ne disanka.

Nsumuinu 27:8

Muntu udi wendakanangana kule ne muabu, udi bu nyunyi udi wendela kule ne disua diende.

Yeshaya 16:2

Bakaji ba bena Mowabe, badi bimane ku bisabu bia musulu wa Amone, amu bu mudi tunyunyi tupapalala, padibu batuipata mu disua diatu.

Dibadika 23:8

Kadi bantu badi Mvidi Mukulu kayi mutshipe, mundi meme mua kubatshipa mbishi? Bantu badi Maweja-Nangila kayi mukanyine, mundi mua kubakanyina meme mmunyi?

1 Samuele 17:43

Ngoliyate kuela Davide diyi ne: — Paudi ulua kundi bua kunduisha ne dikombu, udi wela meji ne: meme ndi mbua anyi? Mvidie yonsu ya bena Peleshete ikutshipe!