Nsumuinu 25:4 - MUKANDA WA MYIDI MUKULU

⁴ Padibu bumusha bikanganya ku tshiamu tshitoke tshia mushinga mukole, nsenda udi upeta tshiamu tshimpe tshia kuenza natshi tshintu tshimpe tshitambe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Umusha tshikanganyi ku tshiamu tshia argent, ne tshiamu tshia kuenza nʼatshi dilonga tshidi tshimueneka kudi nsenda.

Nsumuinu 25:4 ပူးပေါင်းရင်းမြစ်များ

Misambu 66:10

Mvidi Mukulu wetu, udi mututete, mutulengeje, mudibu bengulula tshiamu tshia mushinga mukole mu kapia.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Nsumuinu 25:3

Katuena bamanye kudi diulu diye kushikidila mulu. Katuena bamanye kudi buloba buye kushikidila muinshi. Katuena bamanye menemene meji adi mu mioyi ya bakalenga.

Nsumuinu 26:23

Miaku ya lubombu idi misokoke muoyi mubi, idi bu tshiamu tshitoke tshia mushinga mukole tshidi ne bikanganya, tshidibu balamika ku luesu lua diima.

Yezekiyele 22:18

— Yezekiyele, ndi mumone ne: bena Izrayele mbafuanangane ne bikanganya. Badi bu tshiamu tshitoke tshia mushinga mukole, nansha bu tshiamu tshia kabanda, nansha bu tshiamu tshikunze, nansha bu tshiamu tshia ntenda, bidibu bela mu kapia bua kubiengulula, kumusha bikanganya.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.