Nsumuinu 25:25 - MUKANDA WA MYIDI MUKULU

²⁵ Bu mudi mayi matalala atalaja muminu muume, ke mudi lumu lua disanka ludi lufumine ku ditunga dia kule lusankisha bantu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bu mudi mai ma tulala kudi muntu muhungile bua nyota, mbu mudi lumu luimpe ludi lufuma ku buloba bua kule.

Nsumuinu 25:25 ပူးပေါင်းရင်းမြစ်များ

Genese 45:27

Bana bende kumulondela kabidi bionsu bivua Yozefe mubambile. Yakobe umona matempu avua muanende Yozefe mumutumine, kutukijaye muoyi wa munda.

2 Samuele 23:15

Ke Davide kumvuaye nyota, kulomba ne: — Udi mua kumpesha mayi a kunua adi mu tshiina tshia mayi tshidi ku tshiibi tshia mu Betleyeme nnganyi?

Misambu 63:1

Musambu wa mu mukanda wa misambu ya Davide. Mmuusake pavuaye musokome mu tshipela tshia Yuda.

Ekesode 17:6

Meme nengimane kumpala kuenu pa lubuebue ludi pa mukuna wa Sinayi. Utuute dikombu pa lubuebue, mayi apatuke bua bena Izrayele banue. Moshe kutuuta dikombu pa lubuebue, bakulu ba bena Izrayele bonsu batangile.

Nsumuinu 15:30

Kutangila muntu ne musangelu kudi kumusankisha. Lumu luimpe ludiye upeta ludi lumusanguluja.

Nsumuinu 25:26

Bu mudi mayi mabi avuandulula mushimi nansha mpokolu, ke mudi muntu mubi unyanga muntu muimpe udi utekemena kudiye.

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Yeshaya 55:1

Luayi, nuenu bonsu badi ne nyota. Ndi nnupa mayi a kunua. Nansha nuenu kanuyi ne makuta. Luayi, nuangate biakudia. Kanuena ne bua kubisumba to! Angatayi mvinyo nansha mabele anu tshianana, kanuyi nufuta!

Yirmeya 18:14

Nukadi bamona nsongu ya mikuna ya Lebanone kayiyi ne neje anyi? Musulu wa mayi a muenji mukole udi mua kukama anyi? To!

Yowanane 7:37

Dituku dia ndekelu dia tshibilu divua dituku dinene dipite. Dituku adi, Yezu kuimana kulu kumpala kua bantu tshisumbu tshinene, wela diyi dikole ne: — Pikala muntu ne nyota, alue kundi, anue.

Rome 10:15

Mudibu mua kumumanyisha, kakuyi bantu badibu bafuma bua kuenza nanku, mbishi? Ke padi Mukanda wa tshijila wamba ne: “Disanka kaayi dia kumona bantu bafika, batutuadila Lumu lua Disanka!”

1 Timote 1:15

Bindi ndongesha ebi bidi bilelela. Bantu bonsu bitabe ne: Yezu mmufike pa buloba bua kusungidila bantu babi. Meme ndi mubapite bonsu ku bubi.

Yoshua 22:33

Malu awu kusankisha bena Izrayele. Kuelabu Mvidi Mukulu tuasakidila. Kulekelabu meji avuabu nawu a kuya kuluisha bena Rubene, ne bena Ngade, bua kunyangakaja buloba buabu.

Didimanyisha 21:6

Kuambaye kabidi ne: — Miaku yanyi mmimane kukumbana! Ndi Alfa ne Omega, ntuadijilu ne ndekelu. Udi ne nyota, nemmupeshe tshiakunua, kayi ufuta. Nemmupeshe mayi a ku mpokolu wa mayi a muoyi.

Didimanyisha 22:17

Mueyelu wa Tshijila, ne Mukaji udi ubuela mu dibaka, badi bamba ne: “Luaku!” Udi mumvue muaku ewu, ambe kabidi ne: “Luaku!” Muntu udi ne nyota, asemene pabuipi. Muntu udi ujinga kunua mayi a muoyi, nebamupewu tshianana.