Nsumuinu 25:21 - MUKANDA WA MYIDI MUKULU

²¹ Padi muena lukuna nebe ne nzala, umupeshe tshiakudia. Padiye ne nyota, umupeshe tshiakunua.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bikala muena lukuna webe ne nzala, umuhe bia kudia; bikaleye ne nyota, umuhe mai a kunua.

Nsumuinu 25:21 ပူးပေါင်းရင်းမြစ်များ

2 Bakalenga 6:22

Muambi Elisha kuandamuna ne: — Nansha, kuena mua kubashipa to. Bantu badi bantu bebe bakuata mu mvita, utu ubashipesha anyi? Nanku bantu aba, ubapeshe biakudia ne bia kunua. Pashishe, ubalekele, bapingane kudi mukalenga wabu.

2 Kulondolola 28:15

Bantu ba wabu bateke bua kuenza mudimu awu, kusamba bena lukanu. Kuangatabu bilamba ne bisabata bivuabu bapete mu mvita, kutapeshabu bena lukanu bavua kabayi nabi. Kubapeshabu biakudia ne mayi a kunua. Bavua bondapa mputa ya bavua batapike. Bantu bonsu bavua bapete njiwu mu mvita kabayi ne mushindu wa kuenda, bavua babambula pa nyama ya mpunde. Kuyabu ne bantu bonsu abu muaba uvua bana babu mu Yeriko, tshimenga tshia Mabue a ngaji. Pashishe, kupinganabu mu Samariya.

Yobe 24:23

Mvidi Mukulu udi muanyishe bua bende badiunwue, basombe talalaa. Kadi udi umona bionsu bidibu benza.

Nsumuinu 24:17

Kusanki padi muluishi webe udishinda. Kuji maja padi dikenga dimukuata.

Nsumuinu 24:29

Kuambi ne: “Nemmuenzele muvuaye mungenzele. Nemmupingajile lupetu luvuaye mumfutshishe!”

Nsumuinu 25:20

Kuimbila muntu udi mu dikenga misambu, kudi amu bu kuvula muntu tshinkutu dituku dia mashika, nansha bu kuela maluvu a buanji mu mputa.

Matayi 5:44

Kadi meme ndi nnuambila ne: nangayi bena lukuna benu, mu ditendelela lombelayi badi banukengesha.

1 Samuele 24:20

Padi muntu ukuata muluishi wende, udi mua kumulekela anu katakata anyi? Kabiena mua kuenzeka to. Nanku, Maweja-Nangila akufute bua malu audi mungenzele lelu aa.