Nsumuinu 25:13 - MUKANDA WA MYIDI MUKULU

¹³ Bu mudi mayi matalala akolesha muntu tshikondu tshia luya tshidibu banowa bia pa madimi, ke mudi muntu udi ukumbaja bualu budibu bamutumine ukolesha mfumuende ku muoyi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bu mudi mashika a neige mu tshikondo tshia kuhuola mbu mudi messager udi mua kueyemenyibua kudi bantu badi bamutuma. Bualu bua udi ukankamasha muoyo wa nfumu wandi.

Nsumuinu 25:13 ပူးပေါင်းရင်းမြစ်များ

Nsumuinu 13:17

Muntu udibu batuma ne mukenji kayi uufikisha, udi ukengesha bantu. Muntu wa nsongu udi uufikisha, udi usamba bantu.

Nsumuinu 22:21

Mibelu ayi neikulongeshe malu malelela. Pikala muntu ukuebeja malu, nenku neumumanyishe amu malu malelela.

Nsumuinu 25:25

Bu mudi mayi matalala atalaja muminu muume, ke mudi lumu lua disanka ludi lufumine ku ditunga dia kule lusankisha bantu.

Nsumuinu 26:6

Udi utuma muntu mutshimbakane ne mukenji, udi ububakana bu muntu udi udikosa nkayende makasa, bualu udi udikebela makenga.

Yoshua 22:32

Pashishe Pinase, muana wa mutuangaji Elazare, ne balombodi ba bena Izrayele, kushiyanganabu ne bena Rubene, ne bena Ngade. Kumukabu mu ditunga dia Ngilaade, bua kupingana mu dia Kenaane. Kuambilabu bena Izrayele bakuabu malu onsu awu.