Nsumuinu 24:4 - MUKANDA WA MYIDI MUKULU

⁴ Udi uuja mayeba ne bintu bilenga bia mushinga mukole amu padiye ne dimanya.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Lungenyi ludi lûshisha nsubu idi munda muandi tente ne biuma bionso bia mushinga mukole ne bia disanka.

Nsumuinu 24:4 ပူးပေါင်းရင်းမြစ်များ

Nehemya 10:39

Nanku mutuangaji wa ku ndelanganyi ya Arone, neaye ne bena Levi, bua kuangata tshia dikumi atshi. Bena Levi nebafike ne tshia dikumi atshi mu nzubu wa Mvidi Mukulu, mu bibambalu mudibu bateka bintu bia mushinga.

Yobe 28:10

Udi upanda njila munda mua lubuebue muaba awu. Tshionsu tshidi ne mushinga mukole udi utshimona ne mesu ende.

Nsumuinu 15:6

Udi witaba Mvidi Mukulu udi usomba mu bubanji. Kadi mpetu mipeta ku malu mabi idi ilela dikenga.

Nsumuinu 20:15

Tshiamu tshia mpawungi ne busanga bidi bivule, kadi tshintu tshidi muntu kayi mua kusangana lukasa ke miaku ya meji.

Nsumuinu 21:20

Mu diyeba dia muena meji mudi biakudia bivule ne bintu bikuabu bia mushinga mukole. Kadi muntu mutatakane udi ujimija bionsu bidiye nabi.

Nsumuinu 24:5

Meji a muntu ke bukole buende. Dimanya diende didi divudija bumfumu buende.

Nsumuinu 8:18

Ndi mpeteshangana bubanji, lumu, biuma bidi bishala kashidi, ne diakalenga dilelela.

Nsumuinu 8:21

Ke muaba undi mpetesha badi bannanga bintu. Ndi nguwuje nzubu yabu ne mpetu tente.

Matayi 13:52

Nanku Yezu kubambila kabidi ne: — Ke mudi mulongeshi yonsu wa mikenji, padiye udienza mulongi wa malu a mu Bukalenga bua mu diulu, ufuanangana ne muena lupangu udi upatula bintu bipiabipia, ne bintu bia kale, mu tshibutshilu tshiende.