Nsumuinu 24:30 - MUKANDA WA MYIDI MUKULU

³⁰ Dimue dituku, mvua mupitshile pabuipi ne budimi bua mvinyo bua muena lulengu mububakane,

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Nakahita ha buihi ne budimi bua muntu mufuba, ha buihi ne budimi bua tumuma tua nvinyo bua muntu wakadi kayi ne lungenyi.

Nsumuinu 24:30 ပူးပေါင်းရင်းမြစ်များ

Yobe 15:17

Unteleje, ndi ne bualu bua kukumvuija. Ndi musue kukutondela tshindi mumone.

Yobe 4:8

Meme nkadi mumone ne: Padi muntu ukuna bubi, nansha umiamina makenga, udi unowa amu bubi ne makenga.

Yobe 5:27

Ke malu atuvua balonge bikole; adi amu nanku. Teleja bimpe, ulonge pebe.

Misambu 107:42

Bantu bakane badi bamona basanka, kadi bantu babi badi bapuwa.

Misambu 37:25

Katshia bandela ne mundi mukulakaje emu, tshiena muanji kumona Maweja-Nangila ushiya muntu wende mu dikenga, nansha bana bende balombangana tshiakudia mu misesu.

Nsumuinu 10:13

Muena meji badi bamumanyina ku miaku ya lungenyi idiye wakula, kadi udi kayi wela meji badi bamutuuta!

Nsumuinu 12:11

Muntu udi udima budimi buende neikale ne biakudia bia bungi. Kadi muntu udi udidinga udi upanga malu.

Nsumuinu 13:4

Muena lulengu udi ujinga tshintu kayi utshipeta. Kadi muntu wa tshisumi udi upeta tshidiye musue.

Nsumuinu 6:32

Muntu udi wambisha mukaji, mmubule lungenyi. Udi udikebela yeye nkayende kabutu.

Muambi 10:18

Muntu udi ne lulengu kayi ulongolola nzubu, nzubu udi umupukila. Udi ulengulula mua kulongolola musaka wa nzubu wende, nzubu udi umata mayi.

Muambi 7:15

Ntshidi amu matuku makese panu. Mvua mumone ne bionsu bidi mua kuenzeka. Muntu udi mua kufua, nansha yeye muntu udi wenza tshidi Mvidi Mukulu musue. Muntu mubi udi mua kushala ne muoyi, nansha yeye muena buenzayi.