Nsumuinu 23:29 - MUKANDA WA MYIDI MUKULU

²⁹ Udi mu dikenga, unyingalala mmuntu kaayi? Udi utandangana, udididila matuku onsu nnganyi? Udibu batuuta kapayi bualu mmuntu kaayi? Udi ne mesu kunzuu bu kapia nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Udi udila ne, Ndi ne mulau nganyi? Udi ne kanyinganyinga nganyi? Udi ne matandu nganyi? Udi utontolola nganyi? Udi ne mputa hamʼbidi kayi wenza bualu nganyi? Udi ne mesu makunze-kunzû nganyi?

Nsumuinu 23:29 ပူးပေါင်းရင်းမြစ်များ

Genese 19:33

Butuku abu kumushabu tatuabu maluvu. Muanabute kusomba nende. Tatuabu kavua mumanye bionsu bivua bienzeka abi to.

Genese 49:12

Maluvu a mvinyo neakunjije mesu a Yuda. Mabele neatokeshe menu ende.

2 Samuele 11:13

Davide kumubikidisha bua kudiabu ne kunuabu nende ku mesa. Davide kumuelela maluvu mapite bungi. Uriya kukuatshika. Kadi dilolu Uriya kulala anu muaba uvua bena mvita bavua balame mukalenga Davide. Kena muye kulala ku nzubu kuende to.

2 Samuele 13:28

Ke Absalome kutumina bena mudimu bende diyi ne: — Nutangile Amnone bikole. Pikalaye mumane kukuatshika maluvu, meme nennuambile ne: “Tapayi Amnone!” Nanku nenumutute, numushipe. Kanutshinyi to, meme ke udi munutume. Nuikale ne dikima, nuleje bukitu buenu!

Nsumuinu 20:1

Mvinyo udi ufikisha muntu ku matandu. Maluvu makole adi asaka muntu ku mutoyi. Muntu yonsu udi ubinua ukuatshika, kena ne meji.

Nsumuinu 23:20

Lekela kuenda ne bantu badi bakuatshika maluvu, kabidi ne badiavi ba minyinyi.

Nsumuinu 23:21

Bualu badiavi ne banuavi nebabuele mu dikenga. Bafuba nebavuale bitetela.

Yeshaya 5:11

Bantu bonsu badi bafuilakana maluvu makole dindadinda, banua too ne mudi butuku buila, bakuatshika, mbena diakabi.

Yeshaya 5:22

Bantu bonsu badi bilobu amu bua kukuatshika maluvu, badi ne bukitu amu bua kusambakaja mala, mbena diakabi!

Nahume 1:10

Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.