Nsumuinu 22:5 - MUKANDA WA MYIDI MUKULU

⁵ Meba ne mateyi bidi mu njila wa bena buenzayi. Udi musue kulala panu udi ubiepuka.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mingonge ya meba ne mateyi bidi mu nshila wa muena tshitshu; udi ulama muoyo wandi neabiehuke kule kudibi.

Nsumuinu 22:5 ပူးပေါင်းရင်းမြစ်များ

Yobe 18:8

Makasa ende neamufikishe mu bukondu. Neaye mululame, abuele mu buteyi.

Misambu 11:6

Bena tshikisu neabalokeshile makala a kapia ne bikanganya. Neabanyoke ne lupepele lua mvunde.

Misambu 91:1

Muntu udi usokomena kudi Mvidi Mukulu Muena kulu, ubutamine kudi Wa kukole buonsu.

Nsumuinu 13:15

Muntu wa lungenyi udi udinemeshisha kudi bantu. Muntu mubi udi usomba mu dikenga.

Nsumuinu 13:3

Muntu udi ukuba ludimi luende, udi ukuba muoyi wende. Kadi udi wakula kayi wela meji, udi udijimija.

Nsumuinu 15:19

Muena lulengu udi utangila njila yonsu bu ya meba. Muntu muakane udi usangana miaba yonsu njila milongolola bimpe.

Nsumuinu 16:17

Bantu bakane badi bepuka bubi, bualu muntu udi wakaja nsombelu wende udi ulama muoyi wende.

Nsumuinu 19:16

Muntu udi unemeka mikenji neashale ne muoyi. Udi uyipetula neafue lukasa.

Nsumuinu 22:4

Muntu muena bupuekele udi utumikila Maweja-Nangila, neapete bubanji ne lumu; nealale matuku mavule panu.

Nsumuinu 29:6

Bantu babi badi bapona mu mateyi avuabu bateye. Kadi bantu badi batshina Mvidi Mukulu badi tente ne disanka.

Nsumuinu 4:19

Kadi njila idi bantu babi balonda idi miidima. Kabena bamanye muaba udibu mua kulendukila.

Yoshua 23:13

mimanye ne: Maweja-Nangila neanulekele. Kakutungunuka ne dipata baluishi badi kumpala kuenu to. Baluishi abu, nebikale kunudi bu buteyi ne dijimba. Nebanukengeshe bu mudi mfimbu mutuute panyima, nansha bu mudi meba matue mu mesu. Ku nshikidilu nenubutuke bonsu mu ditunga edi dimpe, didi Maweja-Nangila Mvidi Mukulu wenu mumane kunupa.

1 Yone 5:18

Tudi bamanye ne: muana wa Mvidi Mukulu nansha umue kena utungunuka ne dienza dia malu mabi, bualu Muana wa Mvidi Mukulu udi umulama. Nanku Muena bubi kena mua kumuenzela bualu.