Nsumuinu 22:4 - MUKANDA WA MYIDI MUKULU

⁴ Muntu muena bupuekele udi utumikila Maweja-Nangila, neapete bubanji ne lumu; nealale matuku mavule panu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Difutu dia kudihuekesha ne dia ditshina dietu dia Yehowa didi bubanji, butumbi ne muoyo.

Nsumuinu 22:4 ပူးပေါင်းရင်းမြစ်များ

Nsumuinu 19:23

Muntu udi utshina Maweja-Nangila, neapete muoyi, neasombe mu bubanji kayi umona dikenga.

Nsumuinu 21:20

Mu diyeba dia muena meji mudi biakudia bivule ne bintu bikuabu bia mushinga mukole. Kadi muntu mutatakane udi ujimija bionsu bidiye nabi.

Nsumuinu 21:21

Muntu wa disanka udi ulonda njila wa buakane. Neasombe matuku mavule panu. Bantu nebamunemeke, bamusankishe kabidi.

Nsumuinu 22:3

Muntu mudimuke udi umona dikenga diamba kumukuata, udiepuka. Bantu batatakane badi babuelamu musangu umue, badikengeshisha.

Nsumuinu 22:5

Meba ne mateyi bidi mu njila wa bena buenzayi. Udi musue kulala panu udi ubiepuka.

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Nsumuinu 3:16

Meji adi ambuluisha muntu bua kulala panu matuku mulongulongu. Adi amupetesha bubanji ne lumu.

Nsumuinu 31:30

Bulenga bua mpala budi bushima, buimpe bua kuisu budi bujika. Amu mukaji udi witaba Maweja-Nangila ke utudi mua kutua makumbu.

Yeshaya 33:6

Bena tshisamba tshia Maweja-Nangila, nenusombe mu ditunga ne mimuemue. Kuikala bena meji, kumanya Mvidi Mukulu, ke biuma bidi bitufikisha ku lupandu. Kutshina Maweja-Nangila, ke buenu bubanji!

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

Yakobe 4:10

Nudipuekeshe kumpala kua Mfumu. Yeye neanubandishe.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”