Nsumuinu 22:29 - MUKANDA WA MYIDI MUKULU

²⁹ Wewe mumone muntu wenza mudimu wende bimpe: muntu ewu udi mua kukuatshila nansha bamfumu mene mudimu, pa mutu pa kunkuatshila bantu ba lukutukutu.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Udi utangila muntu udi wenza mudimu wandi ne lungenyi, anyi? Yeye neimane ku mpala kua bakelenge, kena wimana ku mpala kua bantu bahuekele.

Nsumuinu 22:29 ပူးပေါင်းရင်းမြစ်များ

Genese 41:38

Mukalenga kuambila balombodi ne: — Muntu ewu udi muwule ne Mueyelu wa Mvidi Mukulu. Katuena mua kupeta muntu mukuabu udi mupite Yozefe to.

Genese 41:46

Pa wabu bamufite kua mukalenga wa bena Ejipitu apu, Yozefe uvua ne bidimu makumi asatu. Ke Yozefe kulayangana ne mukalenga wa bena Ejipitu, kutuadija kuendakana, utangila midimu mu ditunga dijima dia Ejipitu.

Genese 47:6

Ditunga dia Ejipitu dijima edi ndiebe. Sungula muaba muimpe wa mu ditunga bua basemu. Badi mua kusomba nansha mu Ngoshene. Kadi paudi mumanye ne: munkatshi muabu mudi bantu ba meji, ubateke bikale balama bimuna bianyi.

2 Samuele 2:32

Kuambulabu tshitalu tshia Ashayele, kutshijikabu mu lukita lua tatuende ku Betleyeme. Pashishe Yowabe ne bena mvita bende, kuenda butuku bujima, ufika ku Ebrone, butuku bumane kutshia.

1 Bakalenga 10:8

Bena mudimu bebe ne bantu badi mu nzubu webe wa bukalenga mbena diakalenga! Bualu udi nabu matuku onsu. Badi bumvue meji ebe ne lungenyi luudi nalu.

1 Bakalenga 11:28

Yerobowame uvua nsongalume wa mushinga mukole. Shelomu uvua mumone muvua Yerobowame wenza mudimu wende bimpe. Nanku kumusungulaye bua ikale utangila bena mudimu ba bena Efrayime ne bena Menashe.

1 Kulondolola 4:23

Ndelanganyi yabu ivua bafumbi ba ngesu, ivua misombe mu Netayime ne mu Ngedera bua kuenzela mukalenga midimu.

Nsumuinu 10:4

Bianza bia muena lulengu bidi bibueja muntu mu bupele, kadi bianza bia mukuatshi wa mudimu bidi bipetesha lupetu.

Nsumuinu 12:24

Mudimu udi upetesha muntu bumfumu. Kadi lulengu ludi lumufila ku bupika.

Nsumuinu 23:1

Pawikala udia ku mesa ne muntu muneme, umanye bimpe uudi musombe nende ku mesa.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Danyele 1:19

Mukalenga kuyukila nabu bonsu. Munkatshi muabu kavua musangane muntu ne lungenyi bu muvua Daniyele, Ananiya, Mikayele ne Azariya nalu. Ke kubuelabu ku mudimu kua mukalenga.

Danyele 1:4

Nsongalume ayi ikale ne bukole bua mubidi, kayiyi ne bulema pambidi, ya mubidi mulenga, ya bukole, ya meji, ya dimanya dikumbane, ne ya lungenyi lutue lua kujingulula nalu malu, bua benzele mukalenga mudimu mu nzubu wende wa bukalenga. Nebabalongeshe mua kuakula ne kufunda muakulu wa bena Babilone.

Matayi 25:21

Mfumuende kumuandamuna ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Matayi 25:23

Mfumuende kumuamba ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Rome 12:11

Nukazamuke, nukuate mudimu, nulekele lulengu. Nukuatshile Mfumu mudimu ne muoyi wenu mujima, kabidi ne disuminyina.

2 Timote 4:2

longesha bantu Muaku wa Mvidi Mukulu. Amba amu kuamba, nansha mu tshikondu tshimpe, nansha mu tshikondu tshibi. Itabijija bantu. Ubabele, ubakoleshe ku muoyi, ubalongeshe ne lutuulu, kuyi upungila.

1 Samuele 16:21

Anu Davide ufika kua Shawule, kutuadijaye kumuenzela mudimu. Shawule kunanga Davide bikole. Kumupaye mudimu wa kumuambuila bia mvita biende.

1 Samuele 17:31

Bantu bonsu bumvue Davide wakula, kujadikabu ne: bualu ebu mbumutonde bikole. Kuambilabu Shawule. Shawule kubikidisha Davide.