Nsumuinu 21:31 - MUKANDA WA MYIDI MUKULU

³¹ Badi bavuadika nyama ya tubalu bia kuluangana nabi, bua kuya mu mvita. Kadi anu Maweja-Nangila ke udi utshimuna.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Badi basakila kabalu bintu bia nvita difuku dia kuluangana, kadi luhandu lulualua kudi Yehowa.

Nsumuinu 21:31 ပူးပေါင်းရင်းမြစ်များ

2 Samuele 23:12

Kadi, Shama kuimana munkatshi mua budimi, kuipata bena Peleshete bavua mu budimi amu, kubatshimuna. Ke muwa Maweja-Nangila muambuluishe bena Izrayele, bua batshimune.

Misambu 144:10

“Wewe ngudi wambuluisha bakalenga, ngudi upandisha muena mudimu webe Davide.”

Misambu 147:10

Dikanda dia nyama wa kabalu kena nadi bualu, nansha bukole bua muntu kabuena bumusankisha,

Misambu 20:7

Mpindiewu ndi mumanye mudi Maweja-Nangila, wambuluisha mukalenga udiye mujidile, umuandamuina mu nzubu wende wa mu diulu, wenza malu a dikema bua kumusungidila.

Misambu 20:8

Bamue badi batekemena ku matempu abu a mvita, bakuabu ku nyama yabu ya tubalu, kadi tuetu, Maweja-Nangila Mvidi Mukulu, ke bukole buetu!

Misambu 3:3

Bantu ba bungi badi bangamba ne: “Mvidi Mukulu kena mua kumuambuluisha nansha kakese!”

Misambu 3:8

Maweja-Nangila, juka, Mvidi Mukulu wanyi, unsungidile. Wewe ke udi ututa baluishi banyi ku mbanga, upola menu a bantu babi.

Misambu 68:20

Tuelayi Maweja-Nangila tuasakidila ku dituku ku dituku, bualu Mvidi Mukulu udi wambula bujitu buetu, utusungidila.

Muambi 9:11

Ndi mumone kabidi malu a bungi pa buloba. Bena lubilu lukole kabatu bapita bantu bonsu mu diteta dia kunyema lubilu to. Badi batshimuna mu mvita kabena misangu yonsu bilobu nansha. Badi bimpe pa buloba ki mbena meji to. Badi bapeta biuma ki mbena lungenyi misangu yonsu to. Badi bapeta lumu ki mbadi bamanye malu to. Muntu yonsu udi mua kupeta dikasa dibi.

Yeshaya 31:1

Bantu badi baya mu Ejipitu bua kukeba diambuluisha, mbena diakabi! Badi batekemena ku nyama ya tubalu, ne ku matempu mavule a bena Ejipitu, ne ku babandi babu ba pa tubalu, bualu badi bilobu. Kadi kabena bakeba Mvidi Mukulu wa tshijila wa Izrayele. Kabena bakeba lungenyi kudi Maweja-Nangila.

Yirmeya 3:23

Eyowa, bavua batudinga, tuetu kutendelela mvidie ya bantu ba bisamba bikuabu pa mikuna. Tuetu kuenza mitoyi ya patupu pa mikuna. Kadi, anu wewe Maweja-Nangila Mvidi Mukulu wetu, ke udi mua kutupandisha tuetu bena Izrayele.

1 Korente 15:57

Kadi tudi tuela Mvidi Mukulu tuasakidila, bualu tudi tutshimuine kudi Mfumu wetu Kristu.