Nsumuinu 21:2 - MUKANDA WA MYIDI MUKULU

² Muntu yonsu udi wela meji ne: bionsu bindi ngenza bidi bimpe. Kadi Maweja-Nangila udi ulumbuluisha muntu bilondeshile malu adiye wipatshila.

Mukanda wa Nzambi Dihungila Dikulukulu ne Dihungila Dihia-dihia 2003

² Nshila yonso udi muntu wendela udi muakane ku mesu kuandi, kadi Yehowa udi uteta mitshima.

Nsumuinu 21:2 ပူးပေါင်းရင်းမြစ်များ

Yobe 31:6

Mvidi Mukulu ampime ne tshipimu tshidi tshiakane. Nanku neamanye ne tshiena ne bualu.

Misambu 36:2

Ndi muvuluke miaku idi ntomboji wakula, wamba ne: “Tutshine Mvidi Mukulu bua tshinyi?

Nsumuinu 12:15

Muntu mutatakane udi udimona misangu yonsu ne: ndi ngenza bilenga. Kadi muntu wa lungenyi udi wanyisha mibelu.

Nsumuinu 16:2

Muntu yonsu udi wela meji ne: bionsu bindi ngenza mbilenga. Kadi Maweja-Nangila ke udi mumanye mudi muoyi wa muntu yonsu.

Nsumuinu 16:25

Muntu udi mua kuela meji ne: njila undi ndonda udi muimpe. Kadi njila awu udi mua kumufikisha ku lufu.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Nsumuinu 20:6

Bantu ba bungi badi badisua, badiamba mudibu ne muoyi muimpe. Kadi bidi bikole menemene mua kupeta muntu wa nanku.

Nsumuinu 24:12

Wewe muambe ne: “Tshivua mumanye,” kadi Mvidi Mukulu mmumanye muoyi uudi nawu. Yeye ke udi usunguluja tshiudi wipatshila. Udi ukumona. Udi mumanye malu onsu. Udi ulumbuluisha muntu yonsu bilondeshile bidiye wenza.

Nsumuinu 30:12

Kudi bantu badi bela meji ne: tudi bantu bimpe. Kadi ki mbapange manyanu pambidi pabu.

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Danyele 5:27

TEKELE, mmomumue ne: bakupima. Mbuena kuamba ne: bakupimi ne tshipimu. Bakusanganyi kuyi ne bujitu;

Luke 16:15

Yezu kubambila ne: — Nuenu nudi basue kudileja bu bantu bimpe ku mesu a bakuabu. Kadi Mvidi Mukulu udi mumanye mioyi yenu. Bualu tshidi bantu bamona ne: ntshinene, katshiena ne mushinga ku mesu a Mvidi Mukulu.

Ngalate 6:3

Padi muntu uditemba ne: ndi kampanda, yeye kayi nanku, udi udishima nkayende.

Yakobe 1:22

Kanudidingi: kanuena mua kuteleja muaku wa Mvidi Mukulu patupu, kanuyi nuenza mene bidiwu unulomba.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.

1 Samuele 16:7

Kadi, Maweja-Nangila kuambila Samuwele ne: “Kutangidi buimpe bua mpala, nansha bule bua muntu. Meme tshiena mumusungule to. Meme tshiena ntangila, mudi bantu batangila to. Bantu badi batangila amu mpala, ne mushindu udi muntu. Kadi meme ndi ntangila too ne munda mua muntu.”