Nsumuinu 21:15 - MUKANDA WA MYIDI MUKULU

¹⁵ Muntu muakane udi usanka padibu bakosa nsambu pa yoyi. Kadi ke bidi bikuatshisha muntu mubi bowa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kulumbulula biakane kudi disanka kudi muntu muakane, kadi kudi kukuatshisha benji ba malu mabi buowa.

Nsumuinu 21:15 ပူးပေါင်းရင်းမြစ်များ

Misambu 112:1

Tumbishayi Maweja-Nangila, aleluya! Muntu udi unemeka Maweja-Nangila, umvua disanka bua kulonda mikenji yende, udi ne disanka.

Misambu 119:16

Ndi ne disanka dia kulonda mikenji yebe, tshiena mpua diyi diebe muoyi.

Misambu 119:92

Bu meme tshiyi ndonda mikenji yebe idi insankisha, dikenga divua mua kunkuata.

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

Nsumuinu 10:29

Maweja-Nangila udi tshieyemenu tshia bantu bakane, kadi udi ubutula badi benza bibi.

Nsumuinu 21:12

Mukalenga muakane udi umona bionsu bidi bienzeka mu nzubu mua bantu babi. Udi ubabueja lukasa mu dikenga.

Nsumuinu 21:16

Muntu udi umbuka mu njila wa bena meji, neaye kusomba lukasa kaba kamue ne bantu bafue.

Nsumuinu 5:20

Muananyi, mukaji wa bende udi ukusamina muoyi bua tshinyi? Bua tshinyi udi musue kubuelela mukaji wa bende mu nzubu.

Muambi 3:12

Nanku meme kumvua ne: Diakalenga didi muntu nadi didi amu kusanka, ne kusomba bimpe panu patshidiye ne muoyi.

Yeshaya 64:5

Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Matayi 7:23

Kadi dituku adi, nembajukuile ne: “Meme tshiena munumanye to! Nudi bena buenzayi! Umbukayi kundi!”

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Rome 7:22

Mu kondu kanyi ka munda, ndi nsanka bua mikenji ya Mvidi Mukulu.