Nsumuinu 21:13 - MUKANDA WA MYIDI MUKULU

¹³ Muntu udi ubenga kuteleja lubila lua muena dikenga, nebabenge kuteleja kabidi luende diba didiye mu dikenga.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Udi ujibika mu matshu andi bua kaunvu muadi wa muhele nêle biandi dî bikole, kabena bamunvuila nansha.

Nsumuinu 21:13 ပူးပေါင်းရင်းမြစ်များ

Nehemya 5:13

Pashishe meme kunyukula luzemba lua tshilamba tshianyi, ngamba ne: — Ke mudi Mvidi Mukulu mua kunyukula bonsu badi kabayi bakumbaja malaya abu. Mvidi Mukulu abipate mu nzubu yabu, abanyenge bintu biabu, bashale bianza bitupu. Bantu bonsu bavua bamba ne: — Amene! Bikale amu nanku. Bantu bonsu bavua batumbisha Maweja-Nangila. Matuku onsu bavua bakumbaja biwabu balaye.

Yobe 29:12

Mvua muambuluishe mukengi uvua ungela mbila, nansha muana nshiya uvuabu kabayi bavuluka.

Misambu 18:41

Udi unyemesha baluishi banyi. Ndi mbutula badi nanyi lukuna.

Misambu 58:4

Bantu babi mbatuadije buntomboji amu ku buana. Amu babalela, babanga kudinga bantu.

Nsumuinu 1:28

Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Nsumuinu 28:27

Muntu udi upa bapete bintu ne muoyi wa kalolu, kena upeta dikenga kuende to. Kadi udi kayi musue kutangila dikenga dia mupele, bantu bavule nebamutshipe.

Matayi 6:14

Nanku panudi nufuila bantu bakuabu luse, bua malu mabi adibu banuenzela, Tatu wenu udi mu diulu neanufuile penu luse.

Matayi 7:2

Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Luke 13:25

“Padi mfumu wa nzubu ujuka bua kukanga tshiibi, nuenu nenuikale pambelu, nukokola ku tshiibi, nuamba ne: ‘Mfumu, utunzuluile!’ Kadi mfumu neanuandamune ne: ‘Tshiena mumanye kunudi nufuma to!’

Bienzedi 7:57

Ke kuelabu mbila mikole, bajibika ne bianza ku matshi. Kudielabu kudiye bonsu tshiapamue.

1 Yone 3:17

Pikala muntu muena biuma mumone muanabu mu dikenga, kadi upapija muoyi wende, mmunyi mudiye mua kuamba ne: ndi munange Mvidi Mukulu?