Nsumuinu 21:11 - MUKANDA WA MYIDI MUKULU

¹¹ Padibu banyoka muena ditambisha mupote udi upeta meji. Kadi muntu wa meji udi ulonga malu ku bionsu bidibu bamulongesha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hakengeshabo mubuidi, mutshimbakanyi udi uheta meji; hayishaho muena meji, yeye udi uheta lungenyi.

Nsumuinu 21:11 ပူးပေါင်းရင်းမြစ်များ

Nsumuinu 1:5

Nansha bena meji batshidi amu mua kulonga malu makuabu padibu babala nsumuinu eyi. Badi ne lungenyi nebapetelemu njila wa kulonda.

Nsumuinu 15:14

Muntu udi wela meji udi musue kumanya malu. Kadi muntu mutatakane udi musue kulonga malu a bupale matuku onsu.

Nsumuinu 18:1

Muntu udi udinanga, udi udilamuna kudi bakuabu. Udi ufika munda padibu bafila meji makuabu.

Nsumuinu 18:15

Muntu wa lungenyi udi ujinga kumanya malu a bungi. Muntu wa meji udi ukeba kumvua miaku idi yamba bualu.

Nsumuinu 19:25

Paudi utuuta muntu udi uditambisha, mupote pende neadimuke. Paudi ubela muena lungenyi, udi umvua ne: badi bandongesha malu.

Nsumuinu 9:7

Paudi ubela muena ditambisha, udi ukupetula; paudi ukanyina muntu mubi, udi ukupenda.

Nsumuinu 9:9

Tshiudi wambila muena meji, tshidi tshivudija meji ende. Tshiudi ulongesha muntu muakane, tshidi tshidiundisha dimanya diende.

Dibadika 16:34

Bena Izrayele bakuabu bonsu bavua pabuipi nabu, bumvue mbila ya miadi yabu, kunyemabu ne bowa, bamba ne: “Buloba budi mua kutujibikila petu.”

Bienzedi 5:5

Ananiyase umvua miaku eyi, kuponaye panshi, kufila. Bowa kukuata bantu bonsu bavua bumvua bualu ebu.

Dielulula 13:11

Muena tshibawu awu, bamushipe anu ne mabue. Bualu uvua musue kumusha muntu mukuabu kudi Maweja-Nangila Mvidi Mukulu wenu, uvua munupatula ku bupika mu Ejipitu.

Dielulula 21:21

Diba adi, bantu bonsu ba mu tshimenga atshi, nebamuase mabue, bamushipa. Pumvua bena Izrayele binudi bamuenzela, nebatshine. Kabakuenza kabidi buenzayi ebu to. Ke munudi mua kujikija buenzayi munkatshi mua bena Izrayele nanku.

Didimanyisha 11:13

Diba adi, tshikumina tshikole kuenzeka. Tshia dikumi tshia tshimenga kupuka. Bantu binunu muanda mutekete kufua ku tshikumina atshi. Bavua bashale ne muoyi kutshina bikole. Kutumbishabu Mvidi Mukulu wa mu diulu.