Nsumuinu 21:1 - MUKANDA WA MYIDI MUKULU

¹ Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mutshima wa mukelenge mu bianza bia Yehowa udi bu misulu ya mai, yeye udi ûtuma kuonso kudiye musue.

Nsumuinu 21:1 ပူးပေါင်းရင်းမြစ်များ

2 Bakalenga 19:33

Kena mua kuelesha tshibumba, kutshibanda bua kubuela mu tshimenga etshi nansha. Neapingane amu mu njila uvuaye mufumine. Kakubuela mu tshimenga etshi to. Meme Maweja-Nangila ke udi wamba nanku.

Ezela 1:1

Tshidimu tshia kumpala tshia Bukalenga bua Koreshe, mukalenga munene wa bena Persa, Maweja-Nangila kukumbaja miaku yende ivua muambi Yirmeya muambe. Maweja-Nangila kupesha Koreshe meji a kuelesha diyi mu bukalenga buende bujima, kabidi a kufundisha miaku eyi ne:

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

Ezela 6:22

Pashishe kuenzabu ne disanka tshibilu tshia mampa kaayi mela buanga matuku muanda mutekete malondangane. Disanka adi bavua badipeta kudi Maweja-Nangila, bualu ke yeye uvua mupeshe mukalenga munene wa bena Ashure muoyi wa kalolu, wa kuenzela bena Izrayele bidibu bajinga. Ke bivua bibakolesha ku muoyi, bua batungunuka ne mudimu wa kuenzulula nzubu wa Mvidi Mukulu wa bena Izrayele.

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Nehemya 2:4

Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Nehemya 2:8

Umpeshe mukanda mukuabu wa meme kupesha Ashafe, mulami wa metu a mukalenga, bua kumpeshaye mabaya makumbane a meme kuenza nawu biibi bianzubu wa balami ba nzubu wa Mvidi Mukulu, kuenza nawu kabidi bimana bia ku tshimenga, ne kuasa nawu nzubu wa meme kusomba. Mukalenga wa bakalenga kumpesha mikanda ayi, bualu Mvidi Mukulu wanyi uvua mungambuluishe.

Estere 2:17

Mukalenga kunanga Estere kumpala kua bakaji bakuabu bonsu. Ku bansongakaji bonsu, amu Estere ke uvua mukalenga mupite kunanga. Kumuasaye tshifulu tshia bukalenga, kumubanda bu mukalenga mukaji pa mutu pa Vasti.

Misambu 105:25

Kukudimunaye meji a bena Ejipitu, kubangabu kukina bantu bende, kukeba mua kubadinga.

Misambu 106:46

Kutekaye muoyi wa luse munda mua bantu bonsu, bavua babakuate ku bupika.

Misambu 114:3

Mayi manene amona bena Izrayele, kukosolokawu. Musulu wa Yardene kupingana tshianyima.

Misambu 114:5

Wewe mayi manene, tshiudi unyemena ntshinyi? Wewe musulu wa Yardene, tshiudi upingena tshianyima ntshinyi?

Misambu 74:15

Uvua mupatule mayi mu mpokolu ne mu tusulu, mumishe misulu minene ivua kayiyi mua kukama.

Misambu 93:4

Maweja-Nangila, mulu muudi, udi mupite tshiona tshia mavuala, ne tshia mambuanki a mayi ku bukole.

Ekesode 7:3

Kadi meme nempeshe mukalenga wa bena Ejipitu muoyi wa tshitunu. Nengenze malu a dikema mavule mu ditunga diende.

Nsumuinu 16:1

Muntu udi wela meji bua kuenza bualu kampanda munda muende. Kadi Maweja-Nangila ke udi mua kuamba muende mua ndekelu mudiye mumone.

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Nsumuinu 20:24

Maweja-Nangila ke udi ulombola muoyi wa muntu. Mudi muntu mua kumanya kudiye uya mbishi?

Yeshaya 43:19

Bualu nengenze bualu bupiabupia. Bualu ebu bukadi bumueneka. Kanuena nubumone anyi? Eyowa, nempande njila mu tshipela. Mu buloba buatuke abu, nempatulemu misulu.

Yeshaya 44:27

Udi utumina mayi manene diyi ne: ‘Kamayi’, udi umisha mayi, udi amu meme.

Yirmeya 39:12

“Uye kukeba Yirmeya, kadi kumuenzedi bibi to. Umuenzele muonsu muakuambilaye!”

Bienzedi 7:10

Kumusungidilaye ku makenga ende onsu. Kumuambuluishaye bua mukalenga wa bena Ejipitu, amunange, anyishe meji ende. Ke mukalenga awu kumuteka mulombodi wa ditunga dia Ejipitu, ne wa nzubu wende mujima wa bukalenga.

Didimanyisha 16:12

Mutumibue muisambombu kuitshikija dikopu diende pa musulu munene wa Perate. Musulu kuuma, bua bakalenga badi batumina luseke ludi diba dipatukila bapete muaba wa kusabukila.

Didimanyisha 16:4

Mutumibue muisatu kuitshikija dikopu diende mu misulu ne mu mpokolu ya mayi. Kuandamukabi mashi.