Nsumuinu 20:25 - MUKANDA WA MYIDI MUKULU

²⁵ Kuamba lukasa ne: “Nendambule Mvidi Mukulu tshintu kampande,” nansha kumulaya bualu kuyi muanji kuela meji, nkudikebela njiwu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Budi buteyi kudi muntu bua kuambeye lukasa ne, Tshidi tshia tshijila, ne bua kuelanganeye meji anu ku nyima bua kuditshiha kuandi.

Nsumuinu 20:25 ပူးပေါင်းရင်းမြစ်များ

Nsumuinu 18:13

Muntu udi wandamuna lukonku kayi muanji kuteleja bimpe, udi uleja bupote buende; neafue bundu kabidi.

Nsumuinu 18:7

Mupote udi udikebela lufu, miaku yende ke buteyi budi bumukuata yeye nkayende.

Muambi 5:2

Bualu muntu udi upita kuakula, udi upita kuakula miaku mibi. Ke mudi muntu udi ne ntatu mivule upita kulota ndota mibi.

Lewitiki 5:15

“Padi muntu kampande muenze bualu bubi mu mpukapuka, mupue muoyi bua kulambula milambu ya tshijila idibu balambula Maweja-Nangila, muntu awu, bua kudikobolola udi ne bua kulambula Maweja-Nangila mukoku wa tshimpanga kauyi ne bulema. Ke mulambu wa dinua tshibalu. Mukoku awu wikale wa mushinga mukumbane wa nkanu ya tshiamu tshitoke, bilondeshile tshipimu tshia nkanu tshidibu natshi muaba wa tshijila, bualu mulambu ewu ngua dinua tshibalu.

Matayi 5:33

— Nudi bamanye muvuabu bakandike kabidi bankambua betu ne: “Kanunyangi mutshipu wenu. Nukumbaje malaya anuvua balaye Maweja-Nangila.”

Dielulula 23:22

Nuenu balaye Maweja-Nangila Mvidi Mukulu wenu tshintu tshia mapiku, numulambule tshintu atshi lukasa. Bualu yeye munulombetshi ku bukole, nenuikale bena tshibawu.

Dielulula 23:23

Nuenu kanuyi balaye Maweja-Nangila tshintu tshia mapiku, kakuena bualu to.

Dielulula 23:24

Kadi nuenu bamane kumulaya tshintu, mmulambule amu tshintu tshinuvua bamulaye atshi ku budisuile buenu.

Balombodi 21:22

Pikala batatuabu nansha bana babu ba balume batudidila, netubambile ne: “Tudi tunusengelela bua nufuileku bena Binyamine luse. Bualu mu mvita ya mu Yabeshe, katuena bakuatshile muntu yonsu wa kudibu mukaji to. Kadi bu munudi kanuyi babapesha bana benu ba bakaji, nanku kanuena banyange mitshipu yenu to.”