Nsumuinu 2:4 - MUKANDA WA MYIDI MUKULU

⁴ Ulukebe muudi ukeba tshiamu tshitoke tshia mushinga mukole, muudi ukeba biuma bivuabu basokoke.

Mukanda wa Nzambi Dihungila Dikulukulu ne Dihungila Dihia-dihia 2003

⁴ biwakukeba bu mûdi ukeba tshiamu tshia argent, biwakukeja bu mûdi ukeja biuma bisokoka,

Nsumuinu 2:4 ပူးပေါင်းရင်းမြစ်များ

Genese 26:32

Anu dituku adi, bena mudimu ba Izake kumuambila ne: — Tudi bumbula tshiina tshipiatshipia, tuapetshi mayi.

Yobe 3:21

Badi bindila lufu, kadi kabena balumona. Badi balujinga mudibu bajinga biuma.

Misambu 119:127

Ndi munange meyi ebe kumpala kua bintu bionsu, kumpala kua tshiamu tshia mpawungi wa menemene.

Misambu 119:14

Kulonda mikenji yebe kudi kunsankisha, bu mudi muntu mupete biuma bia bungi.

Misambu 119:72

Mikenji yebe idi indengelela, bipitshidile biamu bia mpawungi ne biamu bitoke bia mushinga mukole binunu ne binunu.

Misambu 19:10

Kunemeka Maweja-Nangila nkuakane, tumunemeke kashidi. Maweja-Nangila udi ukosa nsambu pa yoyi, kabayi mua kumudinga.

Nsumuinu 16:16

Bidi bitambe buimpe kupeta meji ne lungenyi, pa mutu pa kupeta mpawungi ne tshiamu tshitoke tshia mushinga mukole.

Nsumuinu 2:3

Ulombe diambuluisha kudi lungenyi, uteleje bidilu lukuambila diba dia dikenga.

Nsumuinu 23:23

Ikala muntu udi wamba malu malelela, muedi wa meji, muntu mudimuke ne wa lungenyi. Wewe mumane kupeta ngikadilu eyi, kuyinyangi to.

Nsumuinu 4:7

Bua kupeta meji, udibambe bikole bua kulonga mudiwu. Ufile bionsu biudi mupete bua ushale muena meji.

Nsumuinu 8:17

Ndi munange badi bannanga. Badi bankebelamu nebampete.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Matayi 13:44

— Bukalenga bua mu diulu mbufuanangane ne biuma bisokoka mu budimi. Muntu kuvua kubisangana mu budimi amu, kubisokoka pende. Kupetaye disanka dipite. Ke padiye uya kupana bionsu bidiye nabi, bua kusumba budimi abu.

Matayi 19:29

Kabidi muntu yonsu udi ushiya mu dina dianyi nzubu yende, bana babu ba balume ne ba bakaji, tatuende, mamuende, bana badiye mulele, nansha madimi ende, neapete bipite misangu lukama. Neapete kabidi muoyi wa kashidi.

Luke 16:8

Ke Mfumu kutumbisha mulami wa bintu ewu, bualu mmukuate mudimu ne budimu. Bualu bantu ba panu badi badimukila binabu, bapite mudi bantu badi benda mu butoke benza.