Nsumuinu 2:19 - MUKANDA WA MYIDI MUKULU

¹⁹ Muntu udi uyila mukaji awu, kena upingana kabidi to. Kena mua kupeta kabidi njila wa muoyi to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kakuena muntu wa badi babuela kudiye uhingana kabidi, kabena basangana nshila ya muoyo kabidi.

Nsumuinu 2:19 ပူးပေါင်းရင်းမြစ်များ

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

Misambu 81:12

Kadi bantu banyi, kabena bumvua diyi dianyi, bena Izrayele badi bambenga.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Nsumuinu 5:11

Neupunge ne lufu, utua mikemu, unyana, ushale anu mifuba pa mifuba nkayayi.

Nsumuinu 5:6

Pa mutu pa kulonda njila wa muoyi, udi upambuka, kayi nansha mumanye kuyayaye to.

Nsumuinu 6:32

Muntu udi wambisha mukaji, mmubule lungenyi. Udi udikebela yeye nkayende kabutu.

Muambi 7:26

Ndi mumone ne: mukaji udi uteya bantu mmupite lufu ku bululu. Dinanga diende didi bu bukondu. Maboku ende adi akusuika bu nkanu. Muntu udi wenza tshidi Mvidi Mukulu musue, udi upanduka kudi mukaji ewu. Kadi muenji wa bibi nebamukuate kudi mukaji ewu.

Yirmeya 13:23

Mubidi wa muena Kushe udi mua kukudimuka anyi? Nansha matoba a tshisumpa ntambue adi mua kukudimuka anyi? To! Nanku nuenu bonsu, nudi bibidile kuenza malu mabi. Ke munudi kanuyi mua kuenza malu mimpe to.

Osheya 4:14

Kadi, tshiena nnyoka bana benu ba bakaji, badi benda tshiendenda, nansha bakaji ba bana benu ba balume, badi batomboka ku mabaka. Nennunyoke anu nuenu batuangaji, bualu nuenu mene nudi nuenda tshiendenda ne bana ba bakaji ku luseke. Nudi nuabanyangana bintu bia milambu, ne bakaji bena tshiendenda mu nzubu ya mvidie. Bu mudibu bela lusumuinu ne: “Bantu badi kabayi ne lungenyi, nebabutuke.”

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.