Nsumuinu 2:14 - MUKANDA WA MYIDI MUKULU

¹⁴ Badi bumvua disanka padibu benza bibi, badi basankila mu bubi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Badi basanka bua kuenza bienzedi bibi, badi batamba kusanka mu tshishiku tshia malu mabi.

Nsumuinu 2:14 ပူးပေါင်းရင်းမြစ်များ

Nsumuinu 10:23

Bubi budibu benza budi busankisha muntu mutatakane. Meji adi muena lungenyi upeta adi amusankisha.

Nsumuinu 21:10

Muntu mubi udi ukeba mua kuenzela bakuabu bibi. Kena umvuila nansha mulunda wende luse.

Nsumuinu 4:16

Bantu babi kabena balala kabayi banji kuenza bibi. Kabena bamona tulu kuisu, padibu kabayi banji kulenduisha bantu bakuabu.

Yirmeya 11:15

Maweja-Nangila udi wamba ne: tshisamba tshindi munange katshiena ne muoyi umue to. Tshidibu bakeba kundi mu nzubu wanyi wa tshijila ntshinyi? Badi bela meji ne: padibu bandaya malu, padibu bandambula milambu, dikenga kadiena kabidi mua kubakuata anyi? Ke tshidibu bakeba anyi?

Osheya 7:3

Maweja-Nangila udi wamba ne: Badi basankisha mukalenga wabu, eku bamusokoka meji mabi adibu nawu. Badi baseka ne balombodi ba mu bukalenga, eku babasokoka bidibu basue kuenza.

Abakuke 1:15

Ke mudi bena Babilone bakuata bantu, mudibu baloba mishipa ne ndobu. Badi bu balobi badi bakuata mishipa mu makondu abu, bayipatula mu mayi, basanka, batshionkomoka.

Sefanya 3:11

“Dituku adi, nuenu bantu banyi, kanuena ne bua kufua kabidi bundu, bua buenzayi buenu, nansha bua malu mabi anudi bangenzele. Bualu nengumushe munkatshi muenu bantu badi baditambisha. Kanuena mua kuditumbisha kabidi pa mukuna wanyi wa tshijila.

Rome 1:32

Badi bamanye bimpe tshilumbuluilu tshia Mvidi Mukulu, bamanye mudi bantu badi benza malu a mushindu ewu bakumbanyina lufu. Kadi badi amu batungunuka ne dienza dia malu a nanku, batua kabidi benji ba malu mabi makumbu.

1 Korente 13:6

Udi unanga, kena usanka padi muntu wenza bibi, kadi amu padiye wenza bimpe.