Nsumuinu 19:25 - MUKANDA WA MYIDI MUKULU

²⁵ Paudi utuuta muntu udi uditambisha, mupote pende neadimuke. Paudi ubela muena lungenyi, udi umvua ne: badi bandongesha malu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kuma mubuidi, nunku mutshimbakanyi neadimuke; ubele mujinguludi wa mianda, yeye neahete lungenyi.

Nsumuinu 19:25 ပူးပေါင်းရင်းမြစ်များ

Misambu 141:5

Ndi nganyisha muntu wa malu mimpe antute, muntu muakane andengeje; tshiena mua kubenga, ndi munange. Kadi padi bantu babi benza malu mabi, tshiena ndekela bua kukutendelela.

Nsumuinu 1:5

Nansha bena meji batshidi amu mua kulonga malu makuabu padibu babala nsumuinu eyi. Badi ne lungenyi nebapetelemu njila wa kulonda.

Nsumuinu 15:5

Muntu mupote udi upetula mibelu ya tatuende. Kadi udi uyitaba udi uleja mudiye muena meji.

Nsumuinu 17:10

Mubelu udibu bapesha muntu wa lungenyi udi mupite nkodi lukama mituuta muntu mupote.

Nsumuinu 21:11

Padibu banyoka muena ditambisha mupote udi upeta meji. Kadi muntu wa meji udi ulonga malu ku bionsu bidibu bamulongesha.

Nsumuinu 9:7

Paudi ubela muena ditambisha, udi ukupetula; paudi ukanyina muntu mubi, udi ukupenda.

Dielulula 13:11

Muena tshibawu awu, bamushipe anu ne mabue. Bualu uvua musue kumusha muntu mukuabu kudi Maweja-Nangila Mvidi Mukulu wenu, uvua munupatula ku bupika mu Ejipitu.

Dielulula 21:21

Diba adi, bantu bonsu ba mu tshimenga atshi, nebamuase mabue, bamushipa. Pumvua bena Izrayele binudi bamuenzela, nebatshine. Kabakuenza kabidi buenzayi ebu to. Ke munudi mua kujikija buenzayi munkatshi mua bena Izrayele nanku.

Didimanyisha 3:19

Ndi ntandisha bandi munange, mbanyoka. Nenku wikale ne tshisumi, udilengeje.