Nsumuinu 17:3 - MUKANDA WA MYIDI MUKULU

³ Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Mukanda wa Nzambi Dihungila Dikulukulu ne Dihungila Dihia-dihia 2003

³ Luesu ludiku lua kulengesha tshiamu tshia argent, tshikutu tshidiku tshia kulengeshila tshiamu tshia or; kadi Yehowa udi uteta mitshima.

Nsumuinu 17:3 ပူးပေါင်းရင်းမြစ်များ

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Yobe 23:10

Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Yobe 28:1

Bantu mbamanye muaba udibu bumbula tshiamu tshitoke tshia mushinga mukole, miaba idibu basukula tshiamu tshia mpawungi.

Misambu 139:23

Mvidi Mukulu wanyi, jingulula malu adi mu muoyi wanyi, ummanye. Untete, umanye majinga anyi onsu.

Misambu 26:2

Maweja-Nangila, unkonkonone, undumbuluishe, tangila munda muanyi majinga ne meji bindi nabi.

Misambu 66:10

Mvidi Mukulu wetu, udi mututete, mutulengeje, mudibu bengulula tshiamu tshia mushinga mukole mu kapia.

Nsumuinu 15:11

Maweja-Nangila mmumanye bionsu, nansha bidi mu kandondu ka buloba. Nanku mudi muntu mua kusokoka Mvidi Mukulu malu adi munda muende mmunyi?

Nsumuinu 16:2

Muntu yonsu udi wela meji ne: bionsu bindi ngenza mbilenga. Kadi Maweja-Nangila ke udi mumanye mudi muoyi wa muntu yonsu.

Nsumuinu 17:2

Muena mudimu wa meji udi mupite muana mupote ku mushinga. Neapete tshiende tshia bumpianyi ne bantu ba muntu.

Nsumuinu 21:2

Muntu yonsu udi wela meji ne: bionsu bindi ngenza bidi bimpe. Kadi Maweja-Nangila udi ulumbuluisha muntu bilondeshile malu adiye wipatshila.

Nsumuinu 27:21

Bua kuteta mpawungi ne tshiamu tshitoke tshia mushinga mukole, badi babiela mu kapia. Kadi bua kumanya mushinga wa muntu utangile lumu ludiye nalu.

Yeshaya 48:10

Mvua mukutete. Tshiena mukutete mu kapia, bu mudibu bateta tshiamu tshitoke tshia mushinga mukole. Kadi mvua mukupitshishe mu makenga.

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Yezekiyele 22:18

— Yezekiyele, ndi mumone ne: bena Izrayele mbafuanangane ne bikanganya. Badi bu tshiamu tshitoke tshia mushinga mukole, nansha bu tshiamu tshia kabanda, nansha bu tshiamu tshikunze, nansha bu tshiamu tshia ntenda, bidibu bela mu kapia bua kubiengulula, kumusha bikanganya.

Danyele 11:35

Bantu ba bungi nebafue munkatshi mua bantu ba meji. Lufu luabu nelumbushe mikiya ya bantu. Nelubalengeje, lubatokeshe too ne pafika tshikondu tshia ku nshikidilu wa malu. (Bualu tshikondu tshia ku nshikidilu ki ntshianji kufika.)

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.