Nsumuinu 17:2 - MUKANDA WA MYIDI MUKULU

² Muena mudimu wa meji udi mupite muana mupote ku mushinga. Neapete tshiende tshia bumpianyi ne bantu ba muntu.

Mukanda wa Nzambi Dihungila Dikulukulu ne Dihungila Dihia-dihia 2003

² Muhika udi wenza mudimu wandi ne meji neakokeshe muana mulume wa mu tshiota udi wenza mianda ya bundu, neikale ne tshituha tshia buhianyi munkatshi mua bana ba mu tshiota.

Nsumuinu 17:2 ပူးပေါင်းရင်းမြစ်များ

Nsumuinu 10:5

Muena meji udi usangisha biakudia tshikondu tshia mvula, kadi muntu udi ulala tshikondu tshia dinowa mbimpe bantu bamupepeje.

Nsumuinu 11:29

Muntu udi ushiya nzubu wende tshintshiompatshiompa, lupepele neluambule bintu biende. Muntu mutatakane neashale mupika wa muena meji.

Nsumuinu 14:35

Mukalenga wa ditunga udi wanyisha balombodi ba lungenyi. Kadi udi utandisha badi kabayi nalu.

Nsumuinu 17:1

Bidi bimpe kudia tshipese tshia diampa diume ne ditalala, pa mutu pa kubuela mu didia dia tshibilu dienzela mu nzubu wa mutoyi.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Nsumuinu 19:26

Muana udi unyanga tatuende, nansha wipata mamuende, mmuana mubi, udi ufuishangana bundu.

Nsumuinu 29:15

Manyoka ne mibelu bidi bilongesha muntu. Kadi muana udibu kabayi bambila bualu udi ufuisha mamuende bundu.

Muambi 4:13

Mbimpe kuikala nsongalume mupele wa meji, pa mutu pa kuikala mukalenga wa ditunga udi mubule meji, ubenga mibelu.