Nsumuinu 17:12 - MUKANDA WA MYIDI MUKULU

¹² Bidi bimpe kusambakena ne nyama wa lonji uvuabu banyenga bana bende, pa mutu pa kusambakena ne tshidingidingi tshia kalanda-musenga.

Mukanda wa Nzambi Dihungila Dikulukulu ne Dihungila Dihia-dihia 2003

¹² Kusangakana ne nkashama udi ne bana bandi banyengibue kudiye kudi kutamba kusangakana ne muhote mu buhote buandi buimpe.

Nsumuinu 17:12 ပူးပေါင်းရင်းမြစ်များ

2 Samuele 17:8

Wewe udi mumanye tatuebe Davide bimpe ne bantu badiye nabu: bonsu mbena mvita ba bukitu. Badi ne lonji bu nyama ya nkashama, padi mamuende mujimine mu tshisuku. Kabidi tatuebe mmuena mvita, kena mua kulala muaba umue ne bena mvita bakuabu to.

2 Bakalenga 2:24

Elisha ukenzakana, kubamona. Kubatshipaye mu dina dia Maweja-Nangila. Ke nyama ya lonji ibidi kupatuka mu ditu, kushipa bana ba balume makumi anayi ne babidi, kubasunsula.

Nsumuinu 17:11

Muntu mubi udi ukeba mua kuenzelangana bibi. Ke mudiye udikebela yeye nkayende diakabi.

Nsumuinu 27:3

Dibue didi ne bujitu, lusenga ludi luneema. Kadi lukinu lua mupote ndubipite bujitu.

Nsumuinu 28:15

Mfumu wa tshikisu udi ne bumfumu mu tshisamba tshia bantu bapete, udi bu ntambue udi ukungula, bu nkashama udi ukeba tshiakudia tshiende.

Nsumuinu 29:9

Padi muntu wa meji ku tshilumbu ne muntu mutshimbakane, mutshimbakane awu mufike munda nansha museke, muntu wa meji kena upeta dikisha to.

Osheya 13:8

Ndi nnubunda, mudi nyama wa nkashama wenza, padibu bamunyenga muana. Nennusunsule tshiadi tshienu. Nebanudie kudi mbua. Nyama ya tshisuku neyisunsule bitalu bienu.

Matayi 2:16

Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.