Nsumuinu 16:33 - MUKANDA WA MYIDI MUKULU

³³ Bantu badi batshinka bidi mua kuenzeka, kadi Maweja-Nangila ke udi ushindika bualu muende mudiye musue.

Mukanda wa Nzambi Dihungila Dikulukulu ne Dihungila Dihia-dihia 2003

³³ Badi belela nshobo ha bibelu, kadi dikosa dionso dia bualu didi difuma kudi Yehowa.

Nsumuinu 16:33 ပူးပေါင်းရင်းမြစ်များ

Nehemya 11:1

Bamfumu ba bantu kuyabu kusomba mu Yerushalayime. Kadi, ku bantu bakuabu bavua bashale, kusungulabu muntu umue pa dikumi, bua asombe mu Yerushalayime, tshimenga tshia tshijila. Bantu bakuabu tshitema pa dikumi kuyabu kusomba mu misoku ne mu bimenga bia mu ditunga.

Nsumuinu 16:32

Tshilobu tshia mvita ke muntu udi kayi ufika munda lukasa. Muntu udi udikolela mmupite tshilobu tshidi tshikuata tshimenga.

Nsumuinu 18:18

Padibu batshinka, baneme babidi badi ku tshilumbu, badi mua kumvuangana, kulekela matandu.

Nsumuinu 29:26

Bantu ba bungi badi bakeba bua mfumuabu abanyishe. Kadi kua Maweja-Nangila muntu yonsu neapete tshidiye ne bua kupeta.

Yezekiyele 21:21

Wewe muele mutue, ushipe bantu ku dia balume, ubashipe ku dia bakaji, ubashipe nseke yonsu!

Lewitiki 16:8

Ku mbuji ibidi ya mpumbu ayi, Arone neatshinke bua kumanya mbuji udi wa Maweja-Nangila, ne mbuji udi wa Azazele.

Yona 1:7

Pashishe, bitshi ba buatu kuambilangana ne: — Tutshinkayi, bua kujadika muntu udi mudikebele dikenga edi. Bobu kutshinka, kupeta Yona.

Bienzedi 1:26

Kutshinkabu bua kupeta muntu umue ku babidi aba. Kupetabu Matiyase. Kumusakidilabu ku bapostolu dikumi ne umue.

Yoshua 18:10

Muaba uvua Maweja-Nangila, Yoshuwa kutshinka bua kumanya mushindu uvuabu mua kuabanyina bena Izrayele bitupa bia buloba abi. Yoshuwa kupesha tshisamba tshionsu tshiatshi tshitupa tshia buloba mu ditunga adi.

Yoshua 18:5

Bantu abu nebabanye buloba mu bitupa muanda mutekete. Ndelanganyi ya Yuda neyishale mu tshiayi tshitupa tshia buloba tshidi kuinshi mu ditunga. Ndelanganyi ya Yozefe kabidi neyishale mu tshiayi tshitupa tshidi ku mutu mu ditunga.

Yoshua 7:14

Malaba dinda, nuenu bena Izrayele, ku tshisamba ku tshisamba, nufike kundi meme Maweja-Nangila. Kadi tshisamba tshingikala muleje atshi, netshidileje ku diku ku diku. Diku dingikala muleje adi nedifike ku tshiota ku tshiota. Nenku tshiota tshingikala muleje atshi, bantu balume ba mu tshiota atshi nebafike ku muntu ku muntu.

Balombodi 20:9

Tshitudi basue kuenzela bena Ngibeya tshidi nunku: netutshinke,

1 Samuele 10:19

Kadi mpindiewu, nuenu bena Izrayele, nudi babenga Mvidi Mukulu uvua munupandishe matuku a dikenga ne a kanyinganyinga. Nuenu kumulomba ne: “Tupeshe mukalenga.” Nanku fikayi kumpala kua Maweja-Nangila, balondangane mu bisamba bienu ne mu meku enu.