Nsumuinu 16:31 - MUKANDA WA MYIDI MUKULU

³¹ Nsuki mitoke nnsala wa kalumbandi, bualu amu bantu bakane ke badi balala matuku mavule pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Nsuki mitoke tô idi tshifulu tshia butumbi, nebatshihete mu nshila wa buakane.

Nsumuinu 16:31 ပူးပေါင်းရင်းမြစ်များ

Nsumuinu 16:30

Tangila muntu udi ubuita ku mesu, usumakaja mishiku. Mmulongolole bualu bua kuenza. Ukadi mumane kubuenza mene.

Nsumuinu 16:32

Tshilobu tshia mvita ke muntu udi kayi ufika munda lukasa. Muntu udi udikolela mmupite tshilobu tshidi tshikuata tshimenga.

Nsumuinu 17:6

Disanka dia bantu bakulumpe mpadibu bamone biikulu babu. Disanka dia bana mpadibu batangile baledi babu.

Nsumuinu 20:29

Dikanda dia bansonga ke buimpe buabu. Lumu lua bantu banunu ke nsuki yabu mitoke.

Muambi 12:5

Wewe neutshine mua kubanda pa kakuna. Newende utetuka, mufuane kudishinda panshi. Nsuki yebe neitoke. Neufuane mutshi udi ne bilongu bitoke. Uvua utupika bu mpasu, mpindiewu ukadi ukalaba panshi. Kuakumvua kabidi nzala, nansha wewe muele ndungu mivule mu biakudia! Dituku dikuabu nebaye kukujika ku nzubu webe wa kashidi. Badidi ba miadi ya madilu benda badila mu misesu, bualu badi bindila diba adi.

Muambi 4:13

Mbimpe kuikala nsongalume mupele wa meji, pa mutu pa kuikala mukalenga wa ditunga udi mubule meji, ubenga mibelu.

Lewitiki 19:32

“Panudi numona muntu mukulumpe, nujuke kulu ne kanemu. Nuleje munudi nunnemeka. Bualu meme ndi Maweja-Nangila Mvidi Mukulu wenu.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Filemone 1:9

ndi musue amu kukusengelela, bua dinangangana dietu dimueneke patoke. Meme Polu nkadi mukulakaje. Ndi kabidi mu lukanu, bualu ndi muitabe Yezu Kristu.