Nsumuinu 16:24 - MUKANDA WA MYIDI MUKULU

²⁴ Miaku mimpe idi bu buitshi, budi busheme mukana, biengelela mubidi.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Mei malengele adi bu dikatshi dia buitshi, adi mashemakane ku muoyo ne adi asangulusha mubidi.

Nsumuinu 16:24 ပူးပေါင်းရင်းမြစ်များ

Misambu 119:103

Pandi ngumvua malongesha ebe, ndi ngamona masheme mapite buitshi.

Misambu 19:10

Kunemeka Maweja-Nangila nkuakane, tumunemeke kashidi. Maweja-Nangila udi ukosa nsambu pa yoyi, kabayi mua kumudinga.

Nsumuinu 12:18

Muena biakulakula udi utapa mputa minene bu ya muele wa mvita. Kadi ludimi lua bantu ba meji ludi bondapa.

Nsumuinu 15:23

Padi muntu wandamuna nkonku biakane udi ne disanka, nangananga padiye ufila diandamuna kampanda pa tshikondu tshiadi.

Nsumuinu 15:26

Maweja-Nangila udi udiombola meji mabi adi bantu bela, kadi udi wanyisha miaku ya dijingilangana nayi disanka.

Nsumuinu 17:22

Disanka didi dijikija disama dia muntu. Kadi dibungama didi dikepesha bukole bua mubidi.

Nsumuinu 23:16

Nensanke pandi ngumvua muudi wamba malu ne lungenyi.

Nsumuinu 27:9

Bilengejilu bia mubidi, ne manananshi bidi bisankisha muntu. Kadi mulunda mupole malu, wa meji, udi upita bionsu abi.

Nsumuinu 3:8

Ke buanga budi buondapa mubidi webe mujima. Nebukepeshe ntatu yebe.

Nsumuinu 4:22

Idi ipesha bonsu badi bayilame muoyi ne bukole bua mubidi.

Muambi 12:10

Muambi nansha yeye mufunde malu mudiwu, uvua muenze muende muonsu bua kupeta miaku ya kukolesha nayi bantu ku muoyi.

Musambu wa Solomo 4:11

Mubangila wanyi, mishiku yebe idi imatshisha buitshi. Buitshi ne mabele bidi muinshi mua ludimi luebe. Mupuya wa bilamba biudi muvuale, udi bu wa mitshi yonsu misanga ya mu Lebanone.

Yirmeya 15:16

Paudi mungambile malu, diakamue meme kuteleja bimpe, kuvuluka muaku webe onsu. Muaku webe kunguwuja ne disanka, kungenza muena diakalenga. Bualu mbanjidile mu dina diebe wewe, Maweja-Nangila wa bukole buonsu.

Dielulula 32:2

Bindi ndongesha bitampakane miaba yonsu, bu mudi mvula usankisha madimi. Mibelu yanyi imuangalake, mudi lumuma lutangalaka ku bisosa.

Didimanyisha 10:10

Meme kuangata mukanda mukese mu tshianza tshia mutumibue, kuudia. Uvua musheme mukana bu buitshi. Kadi meme mumane kuumina, kungenzawu bululu mu tshifu.