Nsumuinu 16:22 - MUKANDA WA MYIDI MUKULU

²² Badi balonda meji nebapete muoyi. Batshimbakane badi babanyoka bua bupote buabu.

Mukanda wa Nzambi Dihungila Dikulukulu ne Dihungila Dihia-dihia 2003

²² Lungenyi ludi bu mushimi wa mai a muoyo kudi muntu udi nʼalu, dikengesha dia bahote mbuhote buabo.

Nsumuinu 16:22 ပူးပေါင်းရင်းမြစ်များ

Nsumuinu 10:11

Miaku ya muntu muakane idi mpokolu wa muoyi. Miaku ya muntu mubi idi ijuula mvita.

Nsumuinu 13:14

Dilongesha dia muena meji didi mpokolu wa muoyi, didi diepula muntu ku njiwu ya lufu.

Nsumuinu 14:27

Ditshina dia Maweja-Nangila didi dipetesha muoyi; didi diepula muntu ku njiwu ya lufu.

Nsumuinu 15:2

Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Nsumuinu 15:28

Muntu muakane udi wela meji bangabanga ne kuandamunaye. Kadi muntu mubi udi upututuka bua kujanangana.

Nsumuinu 16:21

Muntu udi ujingulula malu ne meji udi muena lungenyi. Padiye ulongesha ne miaku idi isankisha bantu, ibatua ku muoyi, nebamuitabe lukasa.

Nsumuinu 16:23

Bantu ba meji badi basunguluja tshia kuamba. Ke mudibu baluisha bantu ne miaku yabu.

Nsumuinu 18:4

Miaku ya muntu idi mua kuikala miondoke bu mayi manene malabale. Idi ipetesha muntu muoyi bu mudi mpokolu ubudika mayi.

Nsumuinu 18:7

Mupote udi udikebela lufu, miaku yende ke buteyi budi bumukuata yeye nkayende.

Nsumuinu 3:22

Nebikusombeshe panu mu disanka; nebikupeteshe muoyi wa bushuwa.

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Yowanane 6:63

Mueyelu wa Tshijila ke udi ufila muoyi. Muntu nkayende kena ne tshidiye mua kuenza nansha. Miaku imvua munuambile idi Mueyelu ne muoyi.

Yowanane 6:68

Simone Petro kumuandamuna ne: — Mfumu, netuye kudi nganyi? Wewe ke udi ne miaku idi ifila muoyi wa tshiendelele.