Nsumuinu 16:18 - MUKANDA WA MYIDI MUKULU

¹⁸ Udi uditambisha neabutuke. Udi udisua neapone panshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kudisua kudi kuya ku mpala kua dibutuka, mutshima wa kudibandisha udi uya ku mpala kua dihona.

Nsumuinu 16:18 ပူးပေါင်းရင်းမြစ်များ

Estere 3:5

Amane mumane kujadika muvua Mordekayi mubengelemu bua kumutuila binu ne kuinyika mutu kumpala kuende, kufikaye munda bikole.

Estere 6:6

Amane ubuela, mukalenga kumukonka ne: — Tshindi mua kuenzela muntu undi musue kuela menemene ka lumbandi ntshinyi? Amane uvua wela meji ne: “Udi mukalenga musue kuela ka lumbandi awu nnganyi? Udi mua kuikala amu meme!” Amane kuandamuna ne:

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Nsumuinu 11:2

Muntu udi uditambisha nebamupetule, kadi muntu wa meji udi udipuekesha.

Nsumuinu 17:19

Udi musue kutandangana, mmusue kupia tshibawu. Udi udileja mudiye ne ditambisha neabutuke.

Nsumuinu 18:12

Bantu badi baditambisha nebabutuke. Udi udipuekesha neapete lumu.

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Yeshaya 37:38

Dituku dikuabu, pavua Senakeribe utendelela mu nzubu wa mvidie wende Nisroke, bana bende ba balume babidi: Adrameleke ne Sareshere kumushipabu. Pashishe kunyemabu, kuya mu ditunga dia Ararate. Muanende mukuabu Asharadone, kumupinganaye mu bukalenga.

Yirmeya 49:16

Uvua ukuatshisha bantu bonsu bowa. Uvua udimona bu udi mupile bisamba bionsu. Kadi uvua udidinga. Nansha wewe musombe mu mbuebue, nansha wewe muase pa mikuna mitumbuke, nansha wewe muenzele disua diebe kulu kupita, mudi nyunyi wa tshiminyi wenza, kadi nenkukulule panshi.” Ke mudi Maweja-Nangila wamba nanku.

Yirmeya 50:32

Muena ditambisha neatetuke, adishinde. Kakuena muntu udi umujula. Nengoshe bimenga biende ne kapia. Nebanyange bionsu bidibu nabi pabuipi.

Yezekiyele 28:17

Wewe kuditambisha bua lumu luutua nalu. Wewe kuenza bu muntu mupale bua bungi bua bintu biuvua mupete. Ke pandi nkuela panshi bua bakalenga bakuabu bakuseke.

Yezekiyele 29:9

Mu Ejipitu nemushale bu mu tshipela, kamuyi bantu. Nebamanye ne: meme ndi Maweja-Nangila. “Wewe uvua muambe ne: musulu wa Nile nguanyi, meme ke udi muwenze.

Danyele 11:12

Mukalenga wa ditunga dia kuinshi, neaditambishe bua ditshimuna diende adi. Kadi nansha muyilaye mushipeshe binunu ne binunu bia bena mvita, kakubatshimuna kashidi nansha.

Danyele 5:22

Wewe muanende, Baltazare, uvua mumanye malu onsu aa bimpe. Kadi kuvua mudipuekeshe nansha.

Danyele 5:24

Nanku Mvidi Mukulu wakutuma tshianza bua kufundatshi bualu ebu.

Matayi 26:74

Ke Petro kuamba ne: — Bu meme nshima, Mvidi Mukulu annyoke! Ndi nditshipa ne: tshiena mumanye muntu ewu nansha! Amu diba adi, tshitala kusamatshi.

Luke 14:9

Nanku uvua munubikile bonsu babidi, udi mua kukuambila ne: “Mushila muaba ewu!” Diba adi neujuke bua kuya kusomba muaba wa ndekelu, bundu disu tente.

Rome 11:20

Eyowa, bavua bumushe matamba awu, bualu avua apanga ditaba. Bayua bakulamike wewe pa muaba wawu, bualu bua ditaba diebe. Kadi kuditambishi nansha! Wikale ne buowa!

1 Timote 3:6

Kena mua kuikala muntu mupiamupia mu Tshisumbu tshia bena ditaba, bualu udi mua kuditambisha. Diba adi nebamufundile tshibawu tshiakapeta diabolu.

Balombodi 11:28

Kadi bionsu bivua Yefete muambe, mukalenga wa bena Amone kena mubiangate ne mushinga to.

1 Samuele 17:42

Ngoliyate utangila Davide, kumupepejaye, bualu Davide utshivua muana mukese, muikale ne mubidi mukunze, ne mpala muimpe mutambe.