Nsumuinu 16:14 - MUKANDA WA MYIDI MUKULU

¹⁴ Padi mukalenga ufika munda, udi mua kufikisha muntu ku lufu. Kadi muntu wa lungenyi udi umutuyisha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Tshiji tshia mukelenge tshidi messager wa lufu, muntu udi ne meji neatshitalashe.

Nsumuinu 16:14 ပူးပေါင်းရင်းမြစ်များ

Genese 40:2

Mukalenga kubafikila munda bikole.

Estere 7:7

Mukalenga kufika munda bikole ne tshiji, kumuka ku mesa, kupatuka mu lupangu luende lua bukalenga. Amane umanya ne: mukalenga udi ujinga kunshipesha, kushalaye usengelela mukalenga mukaji Estere, bua amusungidile, kabamushipi.

Nsumuinu 15:18

Muntu wa lonji udi ukeba matandu, kadi muntu wa lutulu udi watuyisha.

Nsumuinu 16:13

Mukalenga udi ujinga bua bamuambile malu patoke. Udi unanga bantu badi bamba malu pa wowu.

Nsumuinu 16:15

Mimuemue pa mpala wa mukalenga idi isanguluja bantu. Muoyi wende wa kalolu udi bu mvula udi utalaja buloba.

Nsumuinu 17:11

Muntu mubi udi ukeba mua kuenzelangana bibi. Ke mudiye udikebela yeye nkayende diakabi.

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Nsumuinu 20:2

Mudibu batshina nyama wa ntambue udi ukungula, ke mudibu ne bua kutshina mukalenga udi mufike munda. Muntu udi ujula tshiji tshia mukalenga udi udikebela njiwu.

Nsumuinu 29:26

Bantu ba bungi badi bakeba bua mfumuabu abanyishe. Kadi kua Maweja-Nangila muntu yonsu neapete tshidiye ne bua kupeta.

Nsumuinu 29:8

Bantu badi kabayi banemeka bantu nabu badi bajuudija tshimvundu mu tshimenga. Kadi bantu ba lungenyi badi babatamija bantu badimu.

Muambi 10:4

Pikala mfumuebe mufike munda, kumbuki muaba uudi. Wewe mulame lutulu neakufuile luse bua bilema biebe biuvua muenze.

Danyele 2:16

Daniyele kuya diakamue ku nzubu kua mukalenga, kumusengelela bua amuambile tshikondu tshidiye mua kumujinguluila tshilota tshiende.

Marke 6:27

Diakamue Erode kutuminaye disalayi divua dimulame diyi bua dilue ne mutu wa Yowanane-Batiste. Disolayi kuya mu nzubu wa lukanu, kukosa mutu wa Yowanane-Batiste.

Bienzedi 12:20

Erode uvua mufikile bena Tire ne bena Sidone munda bikole. Nanku bena bimenga ebi kudisangisha bua kuya kumyuangana nende. Kulombabu Blastuse, mulombodi wa bena mudimu ba mu nzubu wa mukalenga, bua abakuile. Pashishe kumanyishabu Erode muvuabu bajinga kumyuangana nende. Bualu matunga abu avua apeta biakudia mu ditunga dia mukalenga Erode.

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”