Nsumuinu 16:11 - MUKANDA WA MYIDI MUKULU

¹¹ Maweja-Nangila udi musue bua bipimu bikale bijalame. Udi ushindika kabidi mudibu ne bua kutempa majitu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tshiamu ne malonga bidi biteta bujitu biakane mbia Yehowa; mabulu onso a mu tshibombi mbintu biakuenzeye.

Nsumuinu 16:11 ပူးပေါင်းရင်းမြစ်များ

Nsumuinu 11:1

Maweja-Nangila udi udiwula bantu badi ne bitempelu bia dishima, kadi udi wanyisha badi bapima bintu mudibi.

Nsumuinu 20:10

Kupima bujitu nansha bule bua tshintu ne bipimu bia kudinga nabi bantu, nngenzelu udi Maweja-Nangila udiwula bikole.

Nsumuinu 20:23

Maweja-Nangila udi udiwula majitu adibu bapima badinga bantu. Udi ubenga tshipimu tshia dishima.

Yezekiyele 45:10

“Muntu yonsu apime bintu ne tshipimu tshimpe.”

Osheya 12:7

Kuambilaye Yakobe ne: “Udi ne bua kupingana kuenu. Meme Mvidi Mukulu webe nenkuambuluishe. Enza malu mimpe, ukumbaje bindi musue. Wikale mutekemene anu kundi meme Mvidi Mukulu webe.”

Amosa 8:5

Nudi nuebejangana ne: “Bibilu bia ngondu mupiamupia nebijike diba kaayi, bua tumone mua kupana tshiakabidi ntete yetu ya kuenza bukula! Dituku dia Dikisha ki ndijike anyi, bua tumone mua kukangula, biibi bia mayeba etu! Netukepeshe bipimu bia ntete, netubandishe mushinga. Netunyangakaje tshiamu tshia kupima natshi bua tumone mua kudinga bantu.”

Mika 6:11

Ndi mua kuhingisha, bantu badi ne bipimu bisendame, ne badi bela bujitu bua dishima, mu bibombu biabu anyi?