Nsumuinu 15:24 - MUKANDA WA MYIDI MUKULU

²⁴ Muntu wa lungenyi udi ulonda njila udi lunupetesha muoyi. Udi wepuka njila udi upueka mu kandondu ka buloba.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Kudi muena meji nshila wa muoyo udi kulu, bua yeye ehuke ku Muaba wa Bafue udi hanshi.

Nsumuinu 15:24 ပူးပေါင်းရင်းမြစ်များ

Misambu 139:24

Manya ne tshiena mukukuile bamvidie ba dishima, undombole mu njila webe matuku onsu.

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

Nsumuinu 2:18

Paudi uya kudi mukaji awu, udi udikebela lufu. Bualu malu adiye wenza, adi afikisha bantu ku lufu.

Nsumuinu 23:14

Kadi adi mua kumuepula ku njiwu ya lufu.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Nsumuinu 5:5

Malu adiye wenza neakufikishe ku lufu. Njila udiye ulonda udi uya buludi ne ku bafue.

Nsumuinu 6:23

Bualu bidi baledi bakuambila bidi bu muendu. Mibelu yabu idi bu butoke. Malongesha abu adi atuludika mu njila wa muoyi.

Nsumuinu 7:27

Kuya ku nzubu kua mukaji wa nenku nkubuela muaba wa lufu, nkupueka mu lupongu ludi luyamu.

Nsumuinu 9:8

Kutandishi muena ditambisha, bualu neakukine. Kadi utandi-she muena meji, yeye neakunange.

Yirmeya 21:8

Maweja-Nangila kutuma bantu kudi Yirmeya bua kubambila ne: “Maweja-Nangila udi wamba ne: ndi munuteke mu mansanga a njila. Kumpala kuenu kudi lufu nansha muoyi.

Matayi 7:14

Kadi mushiku wa mbelu mubumbakane, ne njila mufimpakane, ke bidi bifikisha bantu ku muoyi. Amu bantu bakese ke badi bendela mu njila amu.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Dielulula 32:22

Eyowa, Meme Maweja-Nangila ndi ne tshiiji tshikole, tshidi tshifika too ne mu kandondu ka bafue. Tshidi tshiosha, bu mudi kapia kosha biakudia, kabibutula, tshidi tshiosha too ne tshitaku tshia mikuna.

Filipe 3:20

Buetu tuetu, musoku wetu udi mu diulu. Tudi tuindila, tutekemena ne muoyi mujima, Musungidi wetu, Mfumu Yezu Kristu, udi ne bua kutuluka mu diulu.