Nsumuinu 15:12 - MUKANDA WA MYIDI MUKULU

¹² Muena ditambisha kena musue badi bamubela. Kena ukonka bantu ba meji bualu nansha bumue.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mubuidi kena musue bantu bamubele; kena uya kudi bena meji nansha.

Nsumuinu 15:12 ပူးပေါင်းရင်းမြစ်များ

2 Kulondolola 18:7

Akabe, mukalenga wa bena Izrayele, kuandamuna ne: — Munemu mudi anu muambi mukuabu umuepele. Dina diende mMika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia katu muanji kungambila bualu buimpe to. Yosafate kuandamuna ne: — Lekela kuamba muambi nanku.

Yobe 21:14

Kadi abu bantu bavua bambila Mvidi Mukulu ne: “Katuena nebe ne bualu. Katuena basue kumanya tshiudi musue.

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Nsumuinu 13:1

Muana wa meji udi uteleja mibelu ya tatuende. Kadi udi uditambisha kena uteleja nansha umue.

Nsumuinu 14:6

Musekianganyi udi ukeba kupeta meji, kadi kena wapeta to. Muntu udi wela meji, udi umanya lukasa tshidiye ne bua kuenza.

Nsumuinu 15:10

Badi banyoka bikole bantu badi bapambuka mu njila ya buakane. Kulengulula mibelu nkuya ku lufu.

Amosa 5:10

Ku tshilumbuluilu nudi nukina muntu udi unuvuluija munudi mua kukosa nsambu pa yoyi; nudi nutshina bikole udi ujadika malu amu muvuawu menzeke.

Yowanane 7:7

Ba pa buloba kabena mua kunukina. Kadi badi bankina meme, bualu ndi njadika ne: midimu idibu bakuata mmibi.

2 Timote 4:3

Bualu tshikondu netshifike, tshiabenga bantu kuteleja badi balongesha malu malelela. Nebakebe amu tshidibu bajinga bobu. Nebadisangishile balongeshi bavule badi babalongesha amu bidibu basue kuteleja.