Nsumuinu 14:6 - MUKANDA WA MYIDI MUKULU

⁶ Musekianganyi udi ukeba kupeta meji, kadi kena wapeta to. Muntu udi wela meji, udi umanya lukasa tshidiye ne bua kuenza.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mubuidi udi ukeba meji, kena waheta, kadi diheta dia lungenyi didi bualu butekete kudi mujinguludi wa mianda.

Nsumuinu 14:6 ပူးပေါင်းရင်းမြစ်များ

Misambu 119:18

Tabaja mesu anyi, mmone malu a dikema adi mu mikenji yebe.

Nsumuinu 1:5

Nansha bena meji batshidi amu mua kulonga malu makuabu padibu babala nsumuinu eyi. Badi ne lungenyi nebapetelemu njila wa kulonda.

Nsumuinu 14:5

Muntu udi ujadika bualu ne diyi dimue, kena ushima. Muntu udi ujadika bualu ne meyi meyi, mmuena dishima.

Nsumuinu 14:7

Umbuka kudi bidingidingi, bualu kudibi kuena upeta miaku idi mua kukulongesha malu.

Nsumuinu 15:12

Muena ditambisha kena musue badi bamubela. Kena ukonka bantu ba meji bualu nansha bumue.

Nsumuinu 17:16

Makuta adi mua kuambuluisha muntu mutatakane ku tshinyi? Bua kusumba nawu meji anyi? Kena nansha welaku meji to!

Nsumuinu 17:24

Muntu muakane udi ukuata mudimu ne meji. Kadi muntu mupote udi utangila kudiye kayi mua kufika.

Nsumuinu 18:2

Mupote kena musue kumvua bidibu bamuambila. Kadi udi ujinga kuleja amu bidi mu meji ende.

Nsumuinu 24:7

Muntu mupote kena mua kumvua tshidi bena meji bamba. Nanku kena ne bua kuakula padi bena meji balongolola malu a ditunga.

Nsumuinu 26:12

Wewe musangane muntu udiamba mudiye muena meji, mbimpe kutekemena kudi mutshimbakane pa muntu pa kutekemena kudiye.

Nsumuinu 8:8

Ndi ngamba malu anu mudiwu, tshiena nshima, tshiena ndinga bantu to.

Nsumuinu 8:9

Muena lungenyi udi umvua bindi ngamba. Bavua balonga malu badi babangulula bimpe.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Yirmeya 8:9

Bena meji nebafue bundu, nebapampakane padibu babakuata, baya nabu mu bupika. Bu mudibu kabayi bitabe miaku ya Maweja-Nangila. Meji abu neabambuluishe ku tshinyi?

1 Korente 8:2

Muntu udi wela meji ne: ndi mumanye, kena muanji kumanya mudiye ne bua kumanya.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.