Nsumuinu 14:28 - MUKANDA WA MYIDI MUKULU

²⁸ Lumu lua mukalenga wa ditunga ludi ku bungi bua bantu badiye nabu. Padi mukalenga kayi ne bantu, bumfumu buende kabuenaku to.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Bantu bavule mbutumbi bua mukelenge, kadi dikeha dia bantu ndibutuka dia mukokeshi.

Nsumuinu 14:28 ပူးပေါင်းရင်းမြစ်များ

2 Samuele 19:7

Bualu wewe udi munange bantu badi bakukina, kabidi udi ukina bantu badi bakunanga. Bionsu ebi bidi bileja ne: bamfumu ba bena mvita bebe ne bantu bonsu badi bakuitaba muabu muonsu, bakuenzela mudimu, kabena ne mushinga kuudi wewe to. Eyowa, ndi mumone ne: bu tuetu bonsu bafue, Absalome mushale ne muoyi, wewe uvua mua kusanka bikole.

2 Samuele 24:3

Yowabe kuandamuna mukalenga ne: — Mukalenga, meme ndi musue bua Maweja-Nangila Mvidi Mukulu webe avudije bena Izrayele misangu lukama. Ndi musue bua wikale ne muoyi, umone bionsu ebi. Kadi udi musue kuenza bualu bua mushindu ewu bua thinyi?

1 Bakalenga 20:27

Mukalenga Akabe kabidi kubandila bena mvita ba bena Izrayele, kubapesha biakudia. Kuyabu bua kusambakena ne baluishi babu. Bena mvita ba bena Izrayele kuasa mitanda mu bisumbu bibidi bitangilangane ne bena Siriya. Bena mvita ba bena Izrayele bavua bamueneka anu bu bisumbu bikese bia mbuji bibidi. Kadi, bena Siriya bavua bapite bungi, batuangane ditunga dijima.

2 Bakalenga 13:7

Ku ndekelu, bena mvita ba mukalenga Yowakaze bavua babande pa nyama ya tubalu, bavua bashale anu makumi atanu, matempu a mvita anu dikumi. Bena mvita bavua benda ku makasa bavua bashale anu binunu dikumi. Bualu mukalenga wa bena Siriya uvua mushipe bena mvita ba mukalenga Yowakaze bapite bungi. Uvua mubabutule bonsu, bu mudibu badiata lupuishi mu njila.

Ekesode 1:12

Kadi pa wabu bakengesha bena Izrayele nanku, bavua amu bavulangana mu ditunga dijima. Bena Ejipitu bamona nanku, kutshinabu bena Izrayele bikole.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Nsumuinu 14:27

Ditshina dia Maweja-Nangila didi dipetesha muoyi; didi diepula muntu ku njiwu ya lufu.

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Yirmeya 13:20

Yerushalayime, tangila malu adi enzeka: Baluishi bebe badi bafuma ku mutu kua ditunga. Bantu bandi mukupeshe badi penyi? Meme kubateka mu bianza biebe bua wewe kubalama, bu mudi mulami ulama mikoku yende. Wewe kuditemba bua mikoku ayi. Kadi ikadi penyi?