Nsumuinu 14:21 - MUKANDA WA MYIDI MUKULU

²¹ Muntu udi upepeja mukuende udi wenza bibi. Kadi muntu udi wenzela mupele bimpe udi muena diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Udi uhetula muena mutumba nʼandi udi wenza bualu bubi, kadi udi ufuila bena dikenga luse udi ne disanka.

Nsumuinu 14:21 ပူးပေါင်းရင်းမြစ်များ

Misambu 112:5

Muntu udi uleja bakuabu luse, ubasombesha bintu, ulongolola malu ende mu buakane, udi wenza bimpe.

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Misambu 22:24

“Tumbishayi Maweja-Nangila, nuenu bantu bende! Munemekayi, nuenu ndelanganyi ya Yakobe! Mutshinayi, nuenu bena Izrayele!

Nsumuinu 11:12

Udi upepeja mukuende, mmubule meji. Muntu wa lungenyi udi upuwa.

Nsumuinu 14:31

Muntu udi ukengesha mupele, udi upenda Mvidi Mukulu wakamufuka. Kadi udi umuambuluisha, udi unemeka wakamufuka.

Nsumuinu 17:5

Muntu udi useka bapele udi useka Mvidi Mukulu udi mubafuke. Muntu udi usanka padi dikenga dikuata mukuabu nebamunyoke.

Nsumuinu 18:3

Bubi budi bukeba kadiwu; buenzayi budi bukeba bundu.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Nsumuinu 21:10

Muntu mubi udi ukeba mua kuenzela bakuabu bibi. Kena umvuila nansha mulunda wende luse.

Nsumuinu 22:9

Muntu udi wenzelangana bimpe, Mvidi Mukulu neamuele lupemba, bualu tshiende tshiakudia udi wabanyangana ne bapele.

Nsumuinu 28:27

Muntu udi upa bapete bintu ne muoyi wa kalolu, kena upeta dikenga kuende to. Kadi udi kayi musue kutangila dikenga dia mupele, bantu bavule nebamutshipe.

Nsumuinu 28:8

Pikala muntu uvudija bubanji buende bualu udi usombeshangana bintu, ulomba kasombela kapite, bubanji buende nebabupete kudi muntu wa kalolu udi uvuluka bapele.

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Luke 18:9

Bantu bavua badifunyisha ne: tudi bakane ku mesu a Mvidi Mukulu, bapepeja kabidi bantu bakuabu, Yezu kubelela lusumuinu ne:

Bienzedi 20:35

Mvua munuleje misangu yonsu ne: ke munudi ne bua kukuata mudimu bikole bua kuambuluisha bakengi. Nuvuluke miaku ivua Mfumu Yezu muambe ne: “Disanka dia kupa ndipite dia kupeta.”

Dielulula 15:9

Nudimuke. Kanuikadi ne meji mabi a ne: tshidimu tshia muanda mutekete tshia kulekelangana mabanza tshidi pabuipi. Kanutatshishi muanenu mupele bua bualu abu. Kanumupadi tshintu tshidiye ulomba. Bualu yeye mudidile Maweja-Nangila, nenuikale bena tshibawu.

Ebrewu 6:12

Katuena basue bua nuikale bena lulengu, kadi nulonde tshilejilu tshia badi bitaba, bananukila ne lutulu, bapeta tshivua Mvidi Mukulu mulaye.