Nsumuinu 14:16 - MUKANDA WA MYIDI MUKULU

¹⁶ Muntu wa meji udi utshina bualu bubi, ubuepuka. Kadi mutatakane udi upututuka, kayi wela meji ku bualu nansha bumue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Muena meji udi udimuka, udi wehuka ku bubi, kadi muhote udi ne dikamakama, udi udieyemena.

Nsumuinu 14:16 ပူးပေါင်းရင်းမြစ်များ

Genese 33:9

Esawu kuambila Yakobe ne: — Muakunyanyi, ndi ne bintu bikumbane. Shala ne biebe ebi.

Genese 42:18

Dituku disatu, Yozefe kubambila ne: — Meme ndi nnemeka Mvidi Mukulu. Nanku bua nuenu kuikala ne muoyi, nuitabe tshindi nnuambila.

1 Bakalenga 19:2

Ke Yezabele kutuma muntu bua kumanyisha muambi Eliya ne: “Malaba pa diba ditudi edi, meme tshiyi mukushipe, bu muudi mushipe bambi ba Baale, mvidie innyoke ne dinyoka dikole!”

1 Bakalenga 20:18

Benadade kuandamuna ne: — Padi bantu aba bafike bua kulomba ditalala, nubakuate ne muoyi. Kadi, pikalabu bafike bua kuluangana mvita, nubakuate anu ne muoyi!

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Misambu 119:120

Mubidi wanyi udi uzakala bua kukunemeka, ndi ne bowa bua mapangadika ebe.

Misambu 34:14

alekele kujanangana, alekele kushimangana,

Nsumuinu 1:32

Bualu tshibulengenyi udi ubutuka padiye ubenga meji. Kalengu ka bantu bapote kadi kabajimija.

Nsumuinu 14:15

Muena bitabataba udi witaba bionsu bidibu bamuambila. Kadi muntu mudimuke kena mua kuitaba kayi muanji kuela meji.

Nsumuinu 14:17

Muntu udi ufika munda lukasa, udi wenza bualu bupote. Udi wela meji mabi, udi udikebela lukinu.

Nsumuinu 16:17

Bantu bakane badi bepuka bubi, bualu muntu udi wakaja nsombelu wende udi ulama muoyi wende.

Nsumuinu 16:6

Unange bantu, ulamate Maweja-Nangila, nanku neakufuile luse bua ntupakanyi yebe. Newepuke bubi paudi utshina Maweja-Nangila.

Nsumuinu 22:3

Muntu mudimuke udi umona dikenga diamba kumukuata, udiepuka. Bantu batatakane badi babuelamu musangu umue, badikengeshisha.

Nsumuinu 28:14

Muntu udi utshina kuenza bibi udi ne diakalenga. Muntu udi upapisha muoyi wende neapete dikenga.

Nsumuinu 29:9

Padi muntu wa meji ku tshilumbu ne muntu mutshimbakane, mutshimbakane awu mufike munda nansha museke, muntu wa meji kena upeta dikisha to.

Nsumuinu 3:7

Lekela kuditangila bu muena meji. Kadi tshina Maweja-Nangila, epuka bubi.

Nsumuinu 7:22

Mpindiewu, nsongalume kumulonda bu ngombe, udibu baye nende ku tshishipelu. Mupale awu kudikebela tshibawu, kupia mu buteyi.

Muambi 10:13

Udi utuadija kuamba miaku ya tshianana, ujikija ne miaku mibi.

Dibadika 22:27

Mpunde umona kabidi mutumibue wa Maweja-Nangila, kulalaye panshi ne mfumuende panyima. Balaame kufika munda bikole, kutuuta mpunde ne dikombu.

Yowanane 9:40

Bamue ba ku Baparushe bavua nende bumvua nanku, kumukonkabu ne: — Tuetu kabidi tudi bampofu anyi?

1 Tesalonike 5:22

Bengayi malu mabi a mishindu yonsu.