Nsumuinu 14:10 - MUKANDA WA MYIDI MUKULU

¹⁰ Muntu yonsu udi mudimanye nkayende kanyinganyinga ne disanka bidi mu muoyi wende. Muntu mukuabu nansha umue kena mua kubiumvua menemene to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mutshima wa muntu udi mumanye kanyinganyinga kau, ne kakuena muntu wa bende udi mua kujingulula disanka diau.

Nsumuinu 14:10 ပူးပေါင်းရင်းမြစ်များ

Genese 42:21

Kuambilanganabu ne: — Ee, mbatunyoke mpindiewu, bualu tuvua bakengeshe muakunyetu Yozefe. Yeye kututendakena ulomba luse, tuetu kubenga kumufuila luse. Ke mutudi lelu mu dikenga amu dia momumue.

2 Bakalenga 4:27

Kadi, mukaji ufika pabuipi ne muambi Elisha ku mukuna wa Karmele, kudiela panshi, kumukuata ku makasa. Ngeyazi uvua musue kumusakila. Kadi Elisha kumukandika ne: — Mulekela! Udi ne dibungama. Tshiena mumanye kudidi difuma, bualu Mvidi Mukulu kena mungambile.

Yobe 10:1

Bia panu bidi bindukisha, tshiena ndekela kutua mikemu, tshiena mua kupuwa to, bualu ndi nyingalala bikole.

Yobe 21:25

Kadi bakuabu badi bafua ne kanyinganyinga kakole, kabayi bapeta disanka panu nansha dimue.

Yobe 7:11

Ke pandi tshiyi mua kupuwa kashidi to. Bu mundi ne kanyinganyinga kakole mu muoyi wanyi, ndi amu ne bua kuakula. Dibungama dianyi ndipite, ndi amu ne bua kuamba bidi bintonda.

Yobe 9:18

Kena musue bua meme kueyela, kuikisha katupa. Udi untatshisha, unyingalaja bikole.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Nsumuinu 15:13

Muntu udi ne disanka udi ne mpala wa mimuemue. Kadi muntu udi ne kanyinganyinga udi ne minyengu mu mpala.

Nsumuinu 18:14

Padi muntu utekemena ne: nempande, udi upanda. Udi kayi utekemena lupandu, udi mua kufua lukasa.

Yezekiyele 3:14

Mueyelu wa Mvidi Mukulu uvua mungambule pa buloba, muye nanyi. Bukole bua Maweja-Nangila buonsu buvua bumbuele munda, tshiyi mua kubenga. Ke meme kudiunwua mubungame, mudiumvue bibi.

Yowanane 12:27

— Mpindiewu muoyi udi undubakana. Nengambe tshinyi? Nengambe ne: Tatu unsungidile ku bidi ne bua kuenzeka diba edi anyi? Kadi tshindi mufikile panu tshidi nangananga bua kupitshila mu diba edi dia makenga.

Yowanane 14:18

Tshiena mua kunushiya nkayenu to. Nempingane tshiakabidi kunudi.

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Filipe 4:7

Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”

1 Samuele 1:10

Ane uvua mubungame bikole. Pavuaye udila, uvua ulomba Mvidi Mukulu ne: “Maweja-Nangila Mvidi Mukulu wa Izrayele, tangila mundi mu dikenga!

1 Samuele 1:15

Ane kuandamuna ne: — Tshiena mukuatshika maluvu to. Ndi mukaji muena dikenga. Tshiena munue maluvu to. Ndi mufike muaba ewu bua kukuatshila Maweja-Nangila dikenga dianyi.