Nsumuinu 13:2 - MUKANDA WA MYIDI MUKULU

² Muntu wa malu mempe udi upeta tshipeta tshimpe ku miaku idiye wamba. Kadi bantu ba malu mabi badi amu bakeba mvita.

Mukanda wa Nzambi Dihungila Dikulukulu ne Dihungila Dihia-dihia 2003

² Muntu muimpe udi udia mamuma makane, kadi mitshima ya be dî ba bitungu idi misue tshimbambila.

Nsumuinu 13:2 ပူးပေါင်းရင်းမြစ်များ

Misambu 140:11

Makala a kapia abaponene pambidi. Mvidi Mukulu abashidishe mu kapia, kabamonyi mua kupatukamu!

Misambu 75:8

Amu Mvidi Mukulu ke udi ulumbuluisha bantu, upuekesha umue, ubandisha mukuabu.”

Nsumuinu 1:18

Kadi bantu ba nanku badi baditeya nkayabu; bifufu biabu neabenzele bobu mene bibi.

Nsumuinu 1:31

Nenupete dinyoka dinudi nudikebela. Binudi nuenza nebinukebele makenga.

Nsumuinu 10:11

Miaku ya muntu muakane idi mpokolu wa muoyi. Miaku ya muntu mubi idi ijuula mvita.

Nsumuinu 11:23

Bantu bakane badi bajinga kuenza bimpe. Bantu babi badi bakeba amu tshiji tshia Mvidi Mukulu.

Nsumuinu 12:14

Miaku ya muntu idi mua kumupetesha diakalenga, bu mudi mudimu upetesha muntu difutu.

Nsumuinu 18:20

Muntu udi uukuta ne diyi dia mukana muende. Tshidiye wamba tshidi mua kumudisha.

Nsumuinu 18:21

Tshiudi wamba tshidi mua kukufila ku muoyi nansha ku lufu. Nanku paudi munange kuakula, wanyisha kabidi bionsu bidi miaku yebe mua kukupetesha.

Nsumuinu 4:17

Bualu tshiabu tshiakudia mbubi. Tshiabu tshiakunua ntshikisu.

Osheya 10:13

Kadi, nuenu bena Izrayele, nuvua benze malu mabi. Ke munuvua bapete malu mabi. Nuvua nukinangana, ke munuvua bapete lukinu. Nuenu bena Izrayele, nuvua batekemene matempu enu a mvita, ne bena myita ba bungi banudi nabu.

Abakuke 2:17

Nebanutape, munuvua penu batape mitshi ya mu metu a mu Lebanone. Nuvua bashipe nyama ya mu metu awu. Nanku nyama neyinukuatshishe bowa. Bionsu abi nebinuenzekele, bua mashi a bantu anuvua bele panshi, bua tshinyangu tshinuvua banyange bimenga ne matunga abu natshi.

Abakuke 2:8

Nuvua bibe bintu mu matunga mavule. Nanku bisamba bikuabu bionsu bia pa buloba nebibe bienu. Nebanunyoke, bualu nuvua bele mashi a bantu panshi, nuvua banyangakaje bimenga ne matunga.

Didimanyisha 16:6

Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”