Nsumuinu 13:1 - MUKANDA WA MYIDI MUKULU

¹ Muana wa meji udi uteleja mibelu ya tatuende. Kadi udi uditambisha kena uteleja nansha umue.

Mukanda wa Nzambi Dihungila Dikulukulu ne Dihungila Dihia-dihia 2003

¹ Muana mulume udi ne meji udi unvua diyisha dia tatuʼandi, kadi mubuidi kena uteleja mibelu.

Nsumuinu 13:1 ပူးပေါင်းရင်းမြစ်များ

1 Bakalenga 22:43

Yosafate kuenza malu mimpe, mulonde tshilejilu tshia tatuende Asa, ku bionsu bivuaye wenza. Uvua muenze malu mimpe avua asankisha Maweja-Nangila.

Nsumuinu 10:1

Nsumuinu ya Shelomu. Muana wa balume wa meji, udi usankisha baledi bende; kadi muana mupote, udi ubungamija bena kuabu.

Nsumuinu 12:15

Muntu mutatakane udi udimona misangu yonsu ne: ndi ngenza bilenga. Kadi muntu wa lungenyi udi wanyisha mibelu.

Nsumuinu 14:6

Musekianganyi udi ukeba kupeta meji, kadi kena wapeta to. Muntu udi wela meji, udi umanya lukasa tshidiye ne bua kuenza.

Nsumuinu 15:12

Muena ditambisha kena musue badi bamubela. Kena ukonka bantu ba meji bualu nansha bumue.

Nsumuinu 15:20

Muana wa balume wa meji udi usankisha baledi bende. Muntu mutshimbakane udi upepeja bana babu.

Nsumuinu 15:5

Muntu mupote udi upetula mibelu ya tatuende. Kadi udi uyitaba udi uleja mudiye muena meji.

Nsumuinu 7:24

Bana banyi, ntelejayi mpindiewu! Umvuayi mundi ngamba.

1 Samuele 2:25

Pikala muntu muenzele muntu mukuabu bibi, Mvidi Mukulu udi mua kulumbulula tshilumbu atshi. Kadi pikala muntu muenzele Maweja-Nangila bibi, udi mua kulumbulula tshilumbu nnganyi? Kadi bana ba mutuangaji Eli, kabawa bangata mibelu ya tatuabu ne mushinga to. Bualu Maweja-Nangila uvua mumane kujadika bua bafue.