Nsumuinu 12:8 - MUKANDA WA MYIDI MUKULU

⁸ Badi batumbisha muntu wa meji. Kadi badi badiwula muntu mububakane.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Badi banyisha muntu muakane bu mudi meji andi, kadi badi bahetula muntu udi ne mutshima wa tshishiku.

Nsumuinu 12:8 ပူးပေါင်းရင်းမြစ်များ

Genese 41:39

Pashishe mukalenga kuambila Yozefe ne: — Bu mudi Mvidi Mukulu mukuleje bintu abi, kakuena muntu mukuabu udi mua kukupua ku lungenyi ne meji to.

Misambu 132:18

Nemfuishe baluishi bende bundu, tshifulu tshia bukalenga netshikenke ku mutu kuende.”

Nsumuinu 1:26

Nanku meme kabidi nenseke panuikala mu dikenga. Nenseke pikala bowa bunukuata.

Nsumuinu 12:7

Padibu babutula bantu babi, biabu bionsu mbijimine. Kadi diku dia bakane nedishale kashidi.

Nsumuinu 12:9

Bidi bimpe kuikala muntu udi kayi ne bintu bia bungi, kadi muikale ne muena mudimu, pa mutu pa kuditambisha kumpala kua bantu kuyi ne biakudia.

Nsumuinu 29:27

Bantu bakane badi bapepeja bantu ba malu mabi. Bantu babi badi bapepeja bantu bakane.

Nsumuinu 3:35

Bena meji nebapete diakalenga, batshimbakane nebikale ne bundu.

Nsumuinu 5:23

Muntu udi kayi udikanda mu malu, kayi udilama, udi udikebela kabutu kende. Bupale buende budi bumufikisha ku lufu.

Muambi 8:1

Muntu nansha umue kena muena meji wa menemene. Udi mua kumvuija bidi bienzeka nnganyi? Kadi muntu wa meji udi uleja mpala wa disanka, minyengu ijimina.

Yeshaya 19:14

Maweja-Nangila mmubatshiompakaje. Ke mudibu bapambula bena ditunga, mu midimu yonsu idi bena Ejipitu benza. Mbafuanangane ne muntu mukuatshike maluvu, utetukila mu bilushi biende.

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Luke 16:8

Ke Mfumu kutumbisha mulami wa bintu ewu, bualu mmukuate mudimu ne budimu. Bualu bantu ba panu badi badimukila binabu, bapite mudi bantu badi benda mu butoke benza.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

2 Korente 10:18

Bualu muntu udi udianyisha, kena ne mushinga nansha, kadi amu udi Mfumu muanyishe.

1 Samuele 13:13

Samuwele kuandamuna ne: — Udi muenze bualu bubi budibu benza kudi muntu udi kayi ne lungenyi to! Kuena munemeke bionsu bivua Maweja-Nangila Mvidi Mukulu webe mukuambile to. Bu wewe muenze bionsu bivuaye mukuambile, nanku Maweja-Nangila uvua mua kuitaba bua diku diebe dishale diku dia bukalenga bua bena Izrayele kashidi.

1 Samuele 16:18

Muena mudimu mukuabu kuamba ne: — Ndi mumanye muntu, muana wa Ishayi, muena mu Betleyeme. Udi mumanye mua kuimba lunkombe bimpe. Udi kabidi muntu wa mushinga mukole, mumanye mvita, mumanye mua kuakula ne meji. Udi ne mpala muimpe mutambe. Kabidi Maweja-Nangila udi nende.

1 Samuele 18:30

Tshikondu atshi, bamfumu ba bena Peleshete kuya mu mvita bua kuluangana ne bena Izrayele. Kadi mu mvita yonsu, Davide uvua upete anu tshipeta tshimpe, tshipite tshia balombodi ba bena mvita ba Shawule bakuabu bonsu. Ke muvuaye mupete lumu lunene kudi bantu.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.

1 Samuele 25:17

Nanku mpindiewu, ela meji bimpe, ukebe tshitudi mua kuenza. Bualu dikenga nedikuate mfumu Nabale ne bena nzubu wende, kamuyi mpata to. Nabale mmuntu wa malu makole. Kena musue bua muntu mukuabu kumuambilaye bualu to.