Nsumuinu 12:5 - MUKANDA WA MYIDI MUKULU

⁵ Bantu badi bavuluka Mvidi Mukulu, badi belangana meji matuku onsu a kuenzelangana biakane. Kadi bantu babi kabena bela meji makuabu, amu a kudingangana.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Meji adi bakane bahangidisha adi malulame, kadi malu adi bantu babi bahangidisha adi a mashimi.

Nsumuinu 12:5 ပူးပေါင်းရင်းမြစ်များ

Misambu 119:15

Ndi musue kuelangana meji ku mikenji yebe, ne kulonda njila uudi undeja.

Misambu 139:23

Mvidi Mukulu wanyi, jingulula malu adi mu muoyi wanyi, ummanye. Untete, umanye majinga anyi onsu.

Nsumuinu 11:23

Bantu bakane badi bajinga kuenza bimpe. Bantu babi badi bakeba amu tshiji tshia Mvidi Mukulu.

Nsumuinu 12:4

Mukaji wa bukitu udi ukebela bayende lumu. Mukaji mubi udi bu disama didi didia mifuba ya bayende.

Nsumuinu 12:6

Miaku ya bantu babi idi mateyi adi akebela bantu lufu. Tshidi bantu bakane bamba, tshidi tshiepula bakuabu ku lufu.

Nsumuinu 14:8

Muntu mudimuke udi mumanye tshidiye ne bua kuenza, bualu udi muena meji. Batshimbakane badi bapambuke bua bupale buabu.

Nsumuinu 24:9

Meji adiye wela adi amufikisha ku bubi. Bantu kabidi kabena bananga muntu udi useka bakuabu.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Yirmeya 9:3

Nanku, muntu yonsu adimukile bantu bakuabu! Kanuena mua kutekemena nansha muanenu to. Bualu udi anu unudinga bu muvua Yakobe muenze. Balunda benu kabidi nebanujane.

Yirmeya 9:5

Maweja-Nangila udi wamba ne: “Bantu aba badi anu bena buenzavi. Badi anu bashimangana. Kabena basue nansha kakese kumvuangana nanyi to.”

Matayi 2:16

Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.

Matayi 26:4

Kupungabu diyi bua kukuatshisha Yezu mu budimu, kumushipesha.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.